កំពត ៖ ក្រោយ រាជរដ្ឋាភិបាល ដាក់ បទបញ្ជា យ៉ាង ម៉ឺងម៉ាត់ លុប បំបាត់ រាល់ ល្បែ.ងស៊ីសង គ្រប់ ប្រភេទ ពិសេស ល្បែ.ង តាម ប្រព័ន្ធ អន ឡាញ នៅ ទូ ទាំង ប្រទេស កន្លង មក នោះ ងាក មក មើល ខេត្តកំពតវិញ ពិសេសក្នុងស្រុកបន្ទាយមាសតែម្តង គឺ កំពុង ដំណើរការ លេង ភ្នាល់ រាល់ថ្ងៃ តាម ទីតាំង ជា ច្រើន នៅ លើ អាយ ផេ ត និង ឡែ ប ថប តូច ៗ ផ្ទុយ ពី គោលនយោបាយ ភូមិ - ឃុំ មាន សុវត្ថិភាព របស់ រាជ រដ្ឋាភិ បាល ដែល បាន ដាក់ ចេញ ។

មិន បាត់ នោះ ទេ កំពុង តែ រីក ដុះដាល ខ្លាំង ណាស់ក្នុង ស្រុកបន្ទាយមាសខេត្តកំពត នូវ វង់ល្បែង ស៊ីសង ដូច ជា ជល់ មាន់ អន ឡាញ ដែល ដើម ឡើយ ដាក់ បញ្ចាំង ភ្នាល់ តាម ទូរទស្សន៍ ធំ ៗ ខណៈ ពេល នេះ លេច ចេញ ល្បែងភ្នាល់ ទាំងនេះ លើ អាយ ផេ ត និង ឡែ ប ថប តូច ៗ ទៅ វិញ ។
ជាក់ស្ដែងនារសៀលថ្ងៃទី06ខែមករា ឆ្នាំ២០២៣នេះ ក្រុមការងារសារព័ត៌មាន បានចុះផ្តិតយករូបភាពជាក់ស្ដែង ចំពោះទីតាំងកំពុងតែដំណើរការ ស្រែកហូរកញ្ជ្រៀវ
សប្បាយក្នុងការលេងល្បែងភ្នាល់ដាក់ប្រាក់ទាំងនេះ ស្ថិតនៅ
ភូមិទូកមាសឃុំទូកមាសលិចស្រុកបន្ទាយមាសខេត្តកំពតក្បែរៗអធិការស្រុកបន្ទាយមាសលោកនាក់ឌឹមដែលជាអធិការ។ ប៉ុន្តែអ្វីដែលចម្លែកបំផុត សំឡេងហូរកញ្ជ្រៀវសើចក្អាកក្អាយ ចេញពីទីតាំងល្បែងស៊ីសងផ្នល់ដាក់ប្រាក់ទាំងនេះ
មិនបានរំខានដល់ត្រចៀករបស់អាជ្ញាធរមូលដ្ឋាននោះឡើយ។

បញ្ហាទាំងនេះ វាពិតណាស់និងបង្កអសន្តិសុខក្នុងសង្គម អំពើហិ.ង្សាក្នុងគ្រួសារ ចោរកម្ម ដោយពលរដ្ឋមើលឃើញថា អាជ្ញាធរមិនបានយកចិត្តទុកដាក់ទប់ស្កាត់តាមគោលនយោបាយភូមិ-ឃុំមានសុវត្ថិភាពដែលរាជរដ្ឋាភិបាលដាក់ចេញឲ្យអនុវត្តនោះឡើយជាពិសេសគឺប្រសាសដ៏ខ្ពង់ខ្ពស់របស់សម្តេចអគ្គមហាសេនាបតីយតេជោហ៊ុនសែន។