ថ្ងៃពុធ ទី២១ ខែតុលា ឆ្នាំ២០៥០
គេហទំព័រ ធីអ៊ិនស៊ី ព័ត៌មានពិតក្នុងដៃអ្នក! 2020
ភ្នំពេញ ៖ តុលាការកាត់ទោស​ឧកញ៉ា​ សុខ ប៊ុន និង​មន្ត្រី​អាជ្ញាធរ​កោះរ៉ុង​៥​នាក់​ ក្លែង​ឯកសារ​រំលោភ​យក​ដី​រដ្....ឋ
Sat,27 June 2020 (Time 02:10 AM)
ដោយ ៖ សហការីTNC (ចំនួនអ្នកអាន: 212នាក់)

ឧកញ៉ា សុខ ប៊ុន ដែល​ធ្លាប់​ជាប់​ពន្ធនាគារ និង​មន្ត្រី​អាជ្ញាធរ កោះ​រ៉ុង​៥​នាក់ ត្រូវ​បាន​ចៅក្រម​សាលាដំបូង​រាជធានី​ភ្នំពេញ​ នាំ​ខ្លួន​មក​កាត់​ទោស​ពាក់​ព័ន្ធ​នឹង​ការ​ក្លែង​ឯកសារ ដើម្បី​បន្លំ​យក​ដី​ទំហំ​ជាង៥០០ហិកតានៅកោះរ៉ុង ខេត្ត​ព្រះសីហនុ​។​

លោក គុជ គឹម​ឡុង ព្រះរាជ​អាជ្ញា​រង​អម​សាលា​ដំបូង រាជធានី​ភ្នំពេញ ដែល​ជា​តំណាង​អយ្យការ​ក្នុង​សវនាការ និង​ជា​អ្នកនាំពាក្យ​អយ្យការ បាន​ថ្លែង​ថា មាន​ជនជាប់ចោទ​ចំនួន​៦​នាក់​ ត្រូវ​បាន កាត់ទោស​ព័ន្ធ​នឹង​រឿង​ដីធ្លី នៅ​កោះរ៉ុង​។ ជន​ត្រូវ​ចោទ ទាំង​៦​នាក់ រួម​មាន ១. ឧកញ៉ា សុខ ប៊ុន ២.ឈ្មោះ អ៊ុង និ​ត ប្រធាន​ក្រុម​ប្រឹក្សា សង្កាត់​កោះរ៉ុង ៣. ឈ្មោះ សេង ហួ​លាង ចៅសង្កាត់​កោះ រ៉ុ ង ៤. ​ឈ្មោះ ហែម សា​ឡេះ សមាជិក​ក្រុម​ប្រឹក្សា សង្កាត់​កោះ​រ៉ុង ៥. ឈ្មោះ កែវ សោម ចៅ​សង្កាត់​រង​ទី​២​នៃ សង្កាត់​កោះ​រ៉ុង និង​៦. ឈ្មោះ កែវ ពៅ មេ​ភូមិ​ព្រែក​ស្វាយ សង្កាត់​កោះរ៉ុង​។

បើ​តាម​សេចក្ដី​ចោទប្រកាន់​របស់​តុលាការ ឧកញ៉ា សុខ ប៊ុន ត្រូវ​បាន​ចោទ​ពី​បទ​ក្លែង​បន្លំ ឯកសារ សាធារណៈ​ប្រើ​ប្រាស់​ឯកសារ សាធារណៈ​ក្លែង​ផ្តើម​គំនិត ក្នុង​អំពើ​បំផ្លាញ​ដោយ​ចេតនា​ និង​គៃ បំបាត់ ដោយ​ទុច្ចរិត​ប្រព្រឹត្ត នៅ​សង្កាត់​កោះរ៉ុង ក្រុងព្រះសីហនុ ខេត្ត​ព្រះសីហនុ កាលពី​អំឡុង ឆ្នាំ​២០១៦ ដ​ល់​ឆ្នាំ ២០១៩ តាម​បញ្ញត្តិ​មាត្រា ៦២៩, ៦៣០ និង ២៨ (៦០១) នៃ​ក្រម​ព្រហ្មទណ្ឌ​។​

២. ឈ្មោះ អ៊ុង និ​ត ត្រូវ​បាន​ចោទ​ប្រកាន់ ពី​បទ​បំផ្លាញ ដោយ​ចេតនា​និង​គៃ​បំបាត់ ដោយ​ទុច្ចរិត នីតិក្រម​ក្លែង​បន្លំ ឯកសារ​សាធារណៈ និង​ប្រើប្រាស់​ឯកសារ​សាធារណៈ​ តាម​បញ្ញត្តិ​មាត្រា ៦០១, ៥៩២, ៥៩៣, ៦២៩ និង ៦៣០ នៃ​ក្រម​ព្រហ្មទណ្ឌ​។ ៣. ឈ្មោះ សេង ហូ​លា ង, ឈ្មោះ ហែម សា​ឡេះ​, ឈ្មោះ កែវ សោម​, និង​ឈ្មោះ កែវ ពៅ ត្រូវ​បាន​ចោទ ពី​បទ​បំផ្លាញ​ដោយ​ចេតនា និង​គៃ បំបាត់​ដោយ​ទុច្ចរិត​ក្លែង​បន្លំ​ ឯកសារ​សាធារណៈ​និង​ប្រើ​ប្រាស់​ឯកសារ​សាធារណៈ​ក្លែង តាម បញ្ញត្តិ​មាត្រា ៦០១, ៥៩២, ៥៩៣, ៦២៩ និង ៦៣០ នៃ​ក្រមព្រហ្ម​ទណ្ឌ​។

ក្នុង​សវនាការ​ថ្ងៃ​ទី​១​នេះ តុលាការ​បាន​សាកសួរ​តែ​ទៅលើ​ឈ្មោះ អ៊ុង និ​ត ជា​ប្រធាន​ក្រុមប្រឹក្សា​កោះរ៉ុង​ តែ​ម្នាក់​ប៉ុណ្ណោះ​ ដែល​ជាប់ចោទ​ច្រើន​បទល្មើស​ពាក់ព័ន្ធ​និង​ការ​ក្លែងបន្លំ​ឯកសា រ​ដើម្បី​រំលោភ​យក​ដី​រដ្ឋ ហើយ​ដោយ​សារ​អស់​ម៉ោង​រដ្ឋបាល លោក​ចៅក្រម​សេង រិទ្ធី​បាន​លើក​ពេល​បន្ត​សវនាការ​នៅ​ថ្ងៃទី ០៣​កក្កដា ឆ្នាំ​២០២០​ខាងមុខ​ទៀត។​

ក្នុង​រឿងក្ដី​ដ៏​ចម្រូងចម្រាស​នេះ កាល​ពី​កន្លង​ទៅ​លោក​ឧកញ៉ា សុខ ប៊ុន បាន​យក​ឯក​សារ​ផ្ទេរសិទ្ធិ​កាន់ កាប់​អចលន​ទ្រព្យ​មួយ​ច្បាប់​ទៅ ឲ្យ​អាជ្ញាធរ​ភូមិ​សង្កាត់ ដើម្បី​ចុះ​ហត្ថលេខា​ទទួល​ស្គាល់​តាម​ផ្លូវ​ច្បាប់ ដោយ​ក្នុង​ឯកសារ​នោះ​បញ្ជាក់​ថា ដី​ទំហំ​ជាង ៥០០ ហិកតា ជា​របស់​លោក សុខ ប៊ុន ដែល​បាន​មក​ពី​ការ​ទិញ​ពី បុរស​ម្នាក់ ឈ្មោះ ម៉ា ស៊ី ជា​អ្នក​រស់​នៅ​ក្នុង​ភូមិ​ព្រៃ​ស្វាយ សង្កាត់​កោះរ៉ុង នេះ​តាំង​ពី​ឆ្នាំ​២០០២។ ប៉ុន្តែ អាជ្ញាធរ ភូមិ​-​សង្កាត់ ចាត់​ទុក ឯកសារ នោះ ជា​ឯកសារ​មិ​ន​ប្រក្រតី និង​បដិសេធ ការ​ចុះ​ហត្ថលេខា​ទទួល​ស្គាល់ លើ​ឯក​សារ​នោះ​។

ពលរដ្ឋ​ម្នាក់ ឈ្មោះ ហាន សុខ​ខៃ អះអាង​ថា អ្នក​ស្រី​និង​ពលរដ្ឋ​ជាង​៤០គ្រួសារ​ផ្សេង​ទៀត​ បាន​រស់​នៅ​លើ​ដី​នោះ តាំង​ពី​ឆ្នាំ​២០១២ ប៉ុន្តែ​កាល​ពី​ពាក់​កណ្ដាល​ឆ្នាំ​មុន លោក សុខ ប៊ុន និង​បក្ខ​ពួក បាន​ចុះ​ទៅ​វាស់វែង​ដី​នោះ​ម្ដង។ ទោះ​យ៉ាង​ណា​ការ​វាស់វែង មិន​បាន​សម្រេច​ទេ ដោយសារ ពលរដ្ឋ​បាន​រារាំង​។ អ្នក​ស្រី សុខ​ខៃ បាន​បន្ត​ថា ៖ « ប្រមុខរដ្ឋាភិបាល បាន​ផ្ដល់​ប្លង់​កម្ម​សិទ្ធិ​ដីធ្លី ស្រប​ច្បាប់​ ជា​លក្ខណៈ​ប្រព័ន្ធ​ដល់​គ្រួសារ​ខ្ញុំ និង​ប្រជាពលរដ្ឋ​ជាង​៤០​គ្រួសារ​ទៀត នៅ​ទី​នេះ​តាំង ពីឆ្នាំ២០១៥ មក​ម្ល៉េះ​។ ប៉ុន្តែ​មិន​ដឹង​ថា ហេតុ​អ្វី​បាន​ជា​ លោក​ឧកញ៉ា​នោះ គាត់​ហ៊ាន​ធ្វើ​ឯកសារ ក្លែងបន្លំ​គ្របដណ្ដប់​យក​ដី​យើង​ខ្ញុំ​បែប​នេះ​»​។

​គួរ​រំឭក​ផង​ដែរ លោក សុខ ប៊ុន ធ្លាប់​ត្រូវ​បាន​តុលា​ការ​ផ្ដន្ទាទោស​ដាក់​ពន្ធនាគារ​៣​ឆ្នាំ​ម្ដងរួចមក ហើយ កាល​ពី​ខែ​កុម្ភៈ ឆ្នាំ​២០១៦ ប៉ុន្តែ​ឲ្យ​អនុវត្ត​ទោស​តែ១០ខែ​ពាក់ព័ន្ធ​នឹង​ហិង្សា​ទៅ​លើ​ពិធី ការិនី​ទូរទស្សន៍ ឯក សុជាតា ហៅ​សាសា ​កាល​ពី​ខែ​កក្កដា ឆ្នាំ២០១៥។ ក្រោយ​ចេញពី​ពន្ធនាគារ​បាន​ប៉ុន្មាន​ឆ្នាំ ក៏​មាន​បញ្ហា​ក្លែង​ឯកសារ រំលោភ​យក​ដី​រដ្ឋ​ទៀត ទើប​ត្រូវ​អង្គភាព​ប្រឆាំង​អំពើពុករលួយ​ចាប់ខ្លួន​បញ្ជូន​ឲ្យ​តុលាការ​ឃុំខ្លួន​រហូត​មក​ដល់​ថ្ងៃ​កាត់ទោស​នេះ៕

ចំនួនអ្នកទស្សនា

ថ្ងៃនេះ :
535 នាក់
ម្សិលមិញ :
419 នាក់
សប្តាហ៍នេះ :
4004 នាក់
ខែនេះ :
27363 នាក់
3 ខែនេះ :
74293 នាក់
សរុប :
623692 នាក់

ព័ត៌មានគួរចាប់អារម្មណ៍

(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)

ព័ត៌មានគួរចាប់អារម្មណ៍

ភ្នំពេញ ៖ តុលាការកាត់ទោស​ឧកញ៉ា​ សុខ ប៊ុន និង​មន្ត្រី​អាជ្ញាធរ​កោះរ៉ុង​៥​នាក់​ ក្លែង​ឯកសារ​រំលោភ​យក​ដី​រដ្....ឋ (សហការីTNC)

ព័ត៌មានគួរចាប់អារម្មណ៍

(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)

ព័ត៌មានគួរចាប់អារម្មណ៍

(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)

ព័ត៌មានគួរចាប់អារម្មណ៍

ពេលនេះផ្លូវ​ជាតិ​លេខ ១០ ថ្មី ពី​សំឡូត​មក​កោះកុង ចាប់ផ្តើម​ចេញ​រូបរាង​បណ្តើរៗ (សហការីTNC)

វីដែអូ