ខេត្តត្បូងឃ្មុំ៖ យោងតាមសេចក្តីរាយការណ៍របស់ប្រជាពលរដ្ឋរស់នៅក្នុងមូលដ្ឋានខេត្តត្បូងឃ្មុំ នៅព្រឹកថ្ងៃទី១៤ ខែវិច្ឆិកា ឆ្នាំ២០២៣នេះ បានបង្ហេីបប្រាប់ថា បច្ចុប្បន្ននេះថ្នាក់ដឹកនាំកងកម្លាំងកងរាជអាវុធហត្ថខេត្តត្បូងឃ្មុំ គឺលោក កៅ សុខកុល មេបញ្ជាការរងអាវុធហត្ថខេត្ត និងលោក ងិន ពេជ ព្រះរាជអាជ្ញាខេត្តត្បូងឃ្មុំ កំពុងសហការគ្នាចុះគៀងគរឱ្យក្រុមអ្នកបើកល្បែងជល់មាន់តាមអនឡាញខុសច្បាប់ក្នុងមូលដ្ឋានរបស់ខ្លួន ឱ្យបង់ប្រាក់ប្រចាំខែក្នុង១កន្លែង ២០០ដុល្លារ ទៅ ៤០០ដុល្លារអាមេរិក ក្នុងការមិនបង្រ្កាបទីតាំងរបស់ក្រុមអ្នកបើកល្បែងស៉ីសងទាំងនោះ។ ប៉ុន្តែប្រសិនបើទីតាំងបនល្បែងស៊ីសងណា មិនព្រមបង់ប្រាក់ជូននោះទេ គឺកម្លាំងអាវុធហត្ថ សហការជាមួយព្រះរាជអាជ្ញាខេត្ត ចុះប្រតិបត្តិការបង្ក្រាបតែម្តង។សេចក្ដីរាយការណ៍ដដែលបន្តថា ជាក់ស្ដែងនៅព្រឹកថ្ងៃទី១៤ ខែវិច្ឆិកានេះ មានករណីបង្រ្កាបទីតាំងជល់មាន់តាមប្រព័ន្ធអនឡាញមួយកន្លែងស្ថិតនៅភូមិស្ទឹង ឃុំកោងកាង ស្រុកពញាក្រែក ខេត្តត្បូងឃ្មុំ ដែលគេសង្ស័យថាមិនព្រមបង់លុយទៅឱ្យមន្ត្រីអនុវត្តច្បាប់ទាំងនោះ ទេីបមានការបង្រ្កាបបែបនេះ? ក្នុងការបង្រ្កាបទីតាំងនេះ គឺកម្លាំងកងរាជអាវុធហត្ថខេត្តត្បូងឃ្មុំ តែម្តង។ប្រភពដដែលបន្តថា លោក កៅ សុខកុល ដែលពួកគាត់ស្គាល់ថា ជាមេបញ្ជាការរងអាវុធហត្ថខេត្ត ចុះគៀងគរនិងប្រាប់ទៅក្រុមអ្នកបើកល្បែងជល់មាន់តាមអនឡាញខុសច្បាប់ទាំងអស់ថា “បេីចង់បេីកទីតាំងជល់មាន់ក្នុងមូលដ្ឋានរបស់ខ្លួនកន្លែងណាក៏បានដែរ ឱ្យបង់ប្រាក់ប្រចាំខែក្នុង១កន្លែង ២០០ដុល្លារ ទៅ ៤០០ដុល្លារអាមេរិក ដេីម្បីយកទៅឱ្យលោក ងិន ពេជ ដែលជាព្រះរាជអាជ្ញាខេត្តត្បូងឃ្មុំ នោះគឺមិនមាមការបង្រ្កាបទីតាំងរបស់ក្រុមអ្នកបើកល្បែងស៉ីសងទាំងនោះ។ ប៉ុន្តែប្រសិនបើទីតាំងបនល្បែងស៊ីសងណា មិនព្រមបង់ប្រាក់ជូននោះទេ គឺចុះបង្ក្រាបហេីយ។ដោយឡែកជុំវិញករណីនេះដែរ អង្គភាពកាសែតនគរវត្ត និងគេហទំព័រនគរដ្រេហ្គន នៅព្រឹកថ្ងៃទី១៤ ខែវិច្ឆិកា ឆ្នាំ២០២៣នេះ បានទំនាក់ទំនងតាមទូរស័ព្ទទៅកាន់លោកឧត្តមសេនីយ៍ត្រី រ័ត្ន ចាន់ណា មេបញ្ជាការកងរាជអាវុធហត្ថខេត្តត្បូងឃ្មុំ ប៉ុន្តែត្រូវបានមន្រ្តីរបស់លោក បានលេីកជំនួសដោយបញ្ជាក់ថា៖” ក្នុងនាមជាមន្រ្តីនគរបាលយុត្តិធម៌ គឺត្រូវតែបម្រើរាស្ត្រ ហេីយប្រសិនបើមានព័ត៌មានច្បាស់លាស់យេីងត្រូវតែចុះបង្រ្កាប និងសុំបដិសេធចំពោះការយកប្រាក់ពីកន្លែងបនល្បែងស៊ីសងជល់មាន់ខុសច្បាប់”។ចំណែកលោក កៅ សុខកុល ដែលពលរដ្ឋអះអាងថា ជាមេបញ្ជាការរងអាវុធហត្ថខេត្តត្បូងឃ្មុំ និងរងការចោទប្រកាន់ថាចុះគៀងគរនិងប្រាប់ទៅក្រុមអ្នកបើកល្បែងជល់មាន់តាមអនឡាញខុសច្បាប់ទាំងនោះ អង្គភាពយេីងបានទំនាក់ទំនងទៅតាមរយៈលេខទូរស័ព្ទរបស់លោក ដេីម្បីសុំការបំភ្លឺ ប៉ុន្តែគ្មានអ្នកលើក។…ជាមួយគ្នានេះ លោក ងិន ពេជ ព្រះរាជអាជ្ញាខេត្តត្បូងឃ្មុំ ដែលទើបនិងមកកាន់តំណែងថ្មីនៅខេត្តនេះ បានបញ្ជាក់តាមទូរស័ព្ទនៅព្រឹកថ្ងៃអង្គារទី១៤ ខែវិច្ឆិកានេះថា៖” ព័ត៌មានដែលចោទប្រកាន់លោកថា បានសហការគ្នាជាមួយកម្លាំងកងរាជអាវុធហត្ថខេត្ត ចុះគៀងគរឱ្យក្រុមអ្នកបេីកល្បែងទាំងនោះ គឺមិនពិតទេ” លោកបន្តថា ទី១,ជារឿងមិនពិត,ទី២ ពាក់ព័ន្ធករណីបង្រ្កាបបទល្មើស គឺជាតួនាទីរបស់អយ្យការអម ហេីយរឿងការបង្រ្កាបបទល្មើសនេះ គឺមានអ្នកមិនសប្បាយចិត្ត និងអ្នកសប្បាយចិត្ត៕ (ប្រភពពី NOKOR GRAGON)
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ