(ក្រចេះ)៖ លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា នៅល្ងាចថ្ងៃទី០៩ ខែមេសា ឆ្នាំ២០២២នេះ អញ្ជើញជាអធិបតីក្នុងពិធីសម្ពោធដាក់ឲ្យប្រើប្រាស់អគារសហភាពសហព័ន្ធយុវជនកម្ពុជា ខេត្តក្រចេះ។ ក្នុងពិធីនោះ ដោយមានការចូលរួមពីលោក វ៉ា ថន អភិបាលខេត្ត, លោក ហឿ ស៊ីយ៉ែម ប្រធានក្រុមប្រឹក្សាខេត្ត និងលោក លោកស្រីដែលសមាជិកសហភាពសហព័ន្ធយុវជនកម្ពុជាយ៉ាងច្រើនកុះករ។លោក វ៉ា ថន អភិបាលខេត្ត និងជាប្រធានសហភាពសហព័ន្ធយុវជនកម្ពុជាខេត្តក្រចេះ សម្ដែងនូវការអបអរសាទយ៉ាងក្លៀវក្លា និងស្វាគមន៍ដោយក្ដីរំភើបរីករាយចំពោះវត្តមានលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ដែលបានចំណាយពេលវេលាដ៏មមាញឹក និងមានតម្លៃអញ្ជើញចូលរួមជាអធិបតី ក្នុងពិធីសម្ពោធដាក់ឲ្យប្រើប្រាស់ជាផ្លូវការអគារសហភាពសហព័ន្ធយុវជនកម្ពុជាខេត្តក្រចេះ។លោកវ៉ា ថន បានគូសបញ្ជាក់ថា បច្ចុប្បន្នសមាជិក សមាជិកា ស.ស.យ.ក. ខេត្ត សរុបចំនួន៤,០៩២នាក់, ស្រី២,២៤០នាក់ ក្នុងនោះគណកម្មាធិការស.ស.យ.ក. ខេត្ត មានចំនួន៥១នាក់ ស្រី៣នាក់។ដោយឡែក ការសាងសង់អគារសហភាពសហព័ន្ធយុវជនកម្ពុជាខេត្តក្រចេះ បានសាងសង់លើផ្ទៃដីទំហំ៧.៨ម៉ែត្រ គុណ២៥.៣ម៉ែត្រ ចំណាយថវិកាចំនួន៧៩,៨១០ដុល្លារ។ លោកបញ្ជាក់ទៀតថា ក្នុងនាមថ្នាក់ដឹកនាំខេត្ត សហភាពសហព័ន្ធយុវជនកម្ពុជាខេត្តក្រចេះ សូមថ្លែងអំណរអរគុណចំពោះលោក លោកស្រី និងសប្បុរសជននានា ដែលបានរួមចំណែកក្នុងការសាងសង់អគារនេះ។ថ្លែងក្នុងឱកាសនោះ លោក ហ៊ុន ម៉ានី បានកោតសសើរ និងវាយតម្លៃខ្ពស់ចំពោះថ្នាក់ដឹកនាំ សមាជិក សមាជិការបស់ ស.ស.យ.ក.ខេត្តក្រចេះ និងសប្បុរសជននានា ដែលបានផ្ដួចផ្ដើមគំនិតរួមគ្នា តាមលទ្ធភាពតិចក្ដីច្រើនក្ដីរហូតដល់បញ្ចប់ការសាងសង់អគារស្នាក់ការនេះ។ លោកបញ្ជាក់ទៀតថា «ខ្ញុំជឿជាក់យ៉ាងមុតមាំថា ទីស្នាក់ការថ្មីនេះ នឹងក្លាយជាមជ្ឈមណ្ឌលមួយយ៉ាងសំខាន់ សម្រាប់យុវជន ក្នុងនោះការបណ្ដុះបណ្ដាល និងការឆ្លើយតបទៅនឹងតម្រូវការផ្សេងៗរបស់យុវជនគ្រប់លំដាប់ថ្នាក់ និងគ្រប់និន្នាការ»។លោក ហ៊ុន ម៉ានី បានបន្ថែមថា «ការជួបជុំគ្នានៅថ្ងៃនេះ មិនត្រឹមតែជាការអបអរសាទរនូវសមិទ្ធផលថ្មីតែប៉ុណ្ណោះទេ តែជាការកោតសរសើរ នូវកិច្ចខិតខំប្រឹងប្រែង និងការរួមចំណែកសំខាន់នូវសកម្មភាពសង្គម មនុស្សធម៌ ក៏ដូចជាលើកកម្ពស់កិត្យានុភាពរបស់ស.ស.យ.ក ទាំងក្នុង និងក្រៅប្រទេស។ សកម្មភាព ឬបេសកកម្មទាំងអស់នោះ ជាការហ៊ានលះបង់ដ៏ធំធេងដើម្បីប្រទេសជាតិ និងប្រជាជន ទោះបីជាយើងមានការងារស្នូលរៀងៗខ្លួនក្តី។ បើប្រទេសជាតិស្ថិតក្នុងកាលៈទេសៈពិបាកណាមួយ យើងនៅតែបន្តចូលរួមជាមួយគ្នាដើម្បីដោះស្រាយបញ្ហាជាមួយគ្នា»៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ