ភ្នំពេញ៖ បុរសម្នាក់ ដែលគេអះអាងថា មិនដឹងជាមានវិបត្តិអ្វី ក៏ស្រាប់តែលោតសម្លាប់ខ្លួនពីលើដំបូលជាន់ទី១២ នៃអគារខុនដូដឺប្លឹសមេគង្គ រ៉េស៊ីដិន បណ្តាលឱ្យស្លាប់បាត់បង់ជីវិត កាលពីវេលាម៉ោងប្រមាណ ៩:៥៨នាទីព្រឹកថ្ងៃទី២២ ខែវិឆ្ឆិកា ឆ្នាំ២០២២ នៅចំណុចទីតាំងខុនដូរដែលស្ថិតនៅភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

បុរសដែលគិតខ្លី ឈ្មោះ ឡា គឹមសុង អាយុ ៤៤ឆ្នាំ ស្នាក់នៅបន្ទប់លេខ៥២២ ជាន់ទី៥ នៃអគារខុនដូរខាងលើ និងមានអាសយដ្ឋាន ផ្ទះលេខ១៤៣ ផ្លូវលេខ៨០ ភូមិ២១ សង្កាត់ស្រះចក ខណ្ឌដូនពេញ រាជធានីភ្នំពេញ។

យោងតាមការឱ្យដឹងពីសាក្សីនៅកន្លែងកើតហេតុ បានឱ្យដឹងថា នៅមុនពេលកើតហេតុ គេឭសម្លេងធ្លាក់នៅក្នុងស្មៅចំហៀងខាងជើង នៃអគារខុនដូរ ហើយអ្នកក្បែរខាងបានអើតមើលពីបន្ទប់ស្នាក់នៅមកក្រោមក៏ឃើញសពបុរសម្នាក់លោតសម្លាប់ខ្លួន។ ភ្លាមៗនោះ ក៏បានប្រាប់សន្តិសុខនាំគ្នាទៅជួយលើកប្រុងយកទៅសង្គ្រោះ តែបានស្លាប់បាត់ទៅហើយ។

យោងតាមកាំមេរ៉ាសុវត្តិភាព បានឱ្យដឹងថា បុរសរូបនោះបានចាក់សោបន្ទប់ រួចឡើងទៅលើដំបូងជាន់ទី១២ ដោះស្បែកជើង លោតសម្លាប់ខ្លួន ហើយធ្លាក់ចូលទៅដីទំនាបក្បែរអាគារ។ គេមិនទាន់ដឹងថា បុរសរូបនោះមានវិត្តិអ្វីនោះទេ បានជាគិតខ្លីបែបនេះ៕