នៅថ្ងៃទី 22 ខែកញ្ញាឆ្នាំ 2021 វេលាម៉ោង 17:30 នាទី នៅចំណុចមាត់អូរព្រំដែនកម្ពុជាថៃ ក្នុងភូមិសាស្ត្រក្រុមទី01 ភូមិអូរល្វា ឃុំជ្រៃសីមា ស្រុកសំពៅលូន ខេត្តបាត់ដំបង កម្លាំងអធិការដ្ឋាននគរបាលស្រុកសំពៅលូន បានសហការជាមួយកម្លាំងនគរបាលវរ:ការពារព្រំដែនគោក817 , កម្លាំងផ្នែកសឹករងស្រុកសំពៅលូន និងកម្លាំងវរៈសេនាតូច533 ប្រចាំការតាមមាត់អូរព្រំដែន ភូមិសាស្ត្រខាងលើ បានធ្វើការទប់ស្កាត់ប្រជាពលរដ្ឋខ្មែរ នាំចេញឈើដោយខុសច្បាប់ ពីប្រទេសថៃ ចូលមកប្រទេសកម្ពុជា ចំនួន 01 លើក ក្នុងពេលចុះកិច្ចប្រតិបត្តិការ ជនសង្ស័យ ដែលជាប្រជាពលរដ្ឋខ្មែរ បាននាំគ្នារត់គេចខ្លួនបាត់អស់ ដោយបន្សល់ទុកនូវ ឈើប្រវែង 02 ម៉ែត្រ ចំនួន 08 សន្លឹក , ឈើក្តា ចំនួន 07 សន្លឹក, ឈើដុំ និង កំណាត់ឈើ ខ្លះប្រវែង 01 ម៉ែត្រ ទៅ 02 ម៉ែត្រ ចំនួន 32 ដុំ ដោយទុកចោលក្នុងព្រៃមាត់អូរព្រំដែន (ដីខ្មែរ) ត្រូវបានកម្លាំងសមត្ថកិច្ច នៃអធិការដ្ឋាននគរបាលស្រុកយើង យកមករក្សានៅកន្លែងអធិការដ្ឋាននគរបាលស្រុកសំពៅលូន និងធ្វើការស្រាវជ្រាវបន្ត ។