នៅព្រឹកថ្ងៃព្រហស្បតិ៍ ទី១៥/១០/២០២០ លោក ឧត្តមសេនីយ៍ត្រី បោន ប៊ិន មេបញ្ជាការ អ.ហ ខេត្ត បន្ទាយមានជ័យ
ចូលរួម ពិធី ទទួល អំណោយ សម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ក្នុងនោះបញ្ជាការដ្ឋាន អ.ហ ខេត្ត ទទួលបានទូកម៉ាសុីនចំនួន០២គ្រឿង,ប្រេងម៉ាស៊ូត១០០០លីត្រ,
ប្រេងសាំង៥០០លីត្រ និងថវិកាចំនួន៥,០០០,០០០រៀល ជាមួយនេះដែរ
លោក ឧ/ត្រី បោន ប៊ិន មេ/ការ អ.ហ ខេត្ត ប/ជ អញ្ជើញចូលរួមចុះចែកអំណោយដល់ប្រជាពលរដ្ឋ ដែលរងគ្រោះដោយជំនន់ទឹកភ្លៀង ចំនួន២១៦គ្រួសារ នៅឃុំបត់ត្រង់ ស្រុកមង្គលបូរី ខេត្តបន្ទាយមានជ័យ ដែលជាអំណោយសង្គ្រោះបន្ទាន់ ពីកាកបាទក្រហមកម្ពុជា ក្រោមវត្តមាន ឯកឧត្ដម ខេង ស៊ុំ ប្រធានក្រុមប្រឹក្សាខេត្ត ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកជំទាវ ហួន ច័ន្ទបូរ៉ា នាយិការនាយកដ្ឋានទំនាក់ទំនងកាកបាទក្រហមកម្ពុជា ។ ស្បៀង និងគ្រឿងឧបភោគ បរិភោគ ដែលផ្តល់ជូនប្រជាពលរដ្ឋក្នុងមួយគ្រួសារទទួលបាន អង្ករ ៣០គីឡូក្រាម, មី០១កេស, ត្រីខ១០កំប៉ុង, ទឹកសុីអីុវ០១យួរ។