(ដោយTNCមណ្ឌលគិរី)៖ ក្រុមអជីវករនៅក្នុងខេត្តមណ្ឌលគិរី បានចោទប្រកាន់លោក ហ៊ុយ សុជាតិ មេគយខេត្តនេះថា បានបើកដៃឲ្យក្រុមឈ្មួញវៀតណាម ដឹកទំនិញចូលតាមច្រកព្រំដែនដាក់ដាំ ដល់ក្នុងទឹកដីទីរួមខេត្តមណ្ឌលគិរី ដោយមិនបង់ពន្ធ ឬបង់ពន្ធមិនគ្រប់។ការចោទប្រកាន់បែបនេះ ដោយសារពួកគេសង្កេតឃើញថា ទំនិញនាំចូលពីវៀតណាម តាមច្រកទ្វារព្រំដែនមួយនេះ សង្ស័យមិនបង់ពន្ធ ឬបង់ពន្ធមិនគ្រប់ មានដូចជាគ្រឿងសំណង់ គ្រឿងទេស គ្រឿងប្រើប្រាស់ គ្រឿងឧបភោគបរិភោគ គ្រឿងកំប៉ុង និងបន្លែផ្លៃឈើគ្រប់ប្រភេទ ដែលដឹកតាមរថយន្តធុនធំតម្រង់ចូលទៅក្នុងឃ្លាំងស្តុកទំនិញ នៅក្នុងទីរួមខេត្តតែម្តង។ក្រុមអាជីវករទាំងនេះ បាននិយាយទៀតថា លោក ហ៊ុយ សុជាតិ ប្រធានស្នាក់ការគយ និងរដ្ឋាករ ខេត្តមណ្ឌលគិរី បិទភ្នែកបើកដៃឲ្យឡានដឹកទំនិញរបស់ជនជាតិវៀតណាម ពាក់ស្លាកលេខវៀតណាម និងបើកបរដោយជនជាតិវៀតណាម អាចធ្វើចរាចរណ៍នាំទំនិញចូលតាមច្រកព្រំដែនទ្វេភាគី ដាក់ដាំ ដោយគ្មានការត្រួតពិនិត្យ ដើម្បីបង់ពន្ធឲ្យបានត្រឹមត្រូវ។ក្រុមអាជីវករដដែល បានរាយការណ៍ទៀតថា នៅព្រឹកថ្ងៃទី២៤ ខែឧសភា ឆ្នាំ២០១៩នេះ រថយន្តធុនធំមួយគ្រឿង ពាក់ស្លាកលេខវៀតណាម ផ្ទុកទំនិញពេញប្រៀប ដែលគេសង្ស័យថា ជាគ្រឿងសំណង់ បានឆ្លងចូលតាមច្រកព្រំដែនដាក់ដាំ នៅវេលាព្រឹកព្រលឹម ដោយមិនបានឈប់ឲ្យសមត្ថកិច្ចពាក់ព័ន្ធប្រចាំការនៅច្រកទ្វារព្រំដែននេះ ត្រួតពិនិត្យមើលប្រភេទទំនិញ ដើម្បីបង់ពន្ធលើការនាំចូលឡើយ ប៉ុន្តែត្រូវបានអនុវញ្ញាតឲ្យបន្តដំណើរសំដៅចូលទីរួមខេត្តផ្ទាល់តែម្តង។ចំណែកប្រជាពលរដ្ឋនៅក្នុងទីរួមខេត្តវិញ បានរាយការណ៍មកថា នៅព្រឹកព្រលឹមថ្ងៃដដែល រថយន្តធុនធំមួយគ្រឿងនេះ ត្រូវគេប្រទះឃើញបើកបរចូលទៅក្នុងឃ្លាំងមួយកន្លែង ឈ្មោះដេប៉ូ ឆៃ លី ស្ថិតនៅក្នុងភូមិចម្ការតែ សង្កាត់ស្ពានមានជ័យ ក្រុងសែនមនោរម្យ ដែលគេដឹងជាទូទៅថា ជាកន្លែងស្តុកទំនិញប្រភេទគ្រឿងសំណង់ដ៏ធំ នាំចូលផ្ទាល់ពីវៀតណាមតាមច្រកដាក់ដាំ។ក្រុមអាជីវករបានឲ្យដឹងថា ដេប៉ូឈ្មោះ ឆៃ លី គឺជាឃ្លាំងស្តុកទំនិញប្រភេទគ្រឿងសំណង់គ្រប់ប្រភេទនាំចូលពីវៀតណាម ហើយគេសង្ស័យថា ទទួលបានការការពារពីមន្ត្រីគយប្រចាំខេត្តនេះ ដែលគ្រប់គ្រងដោយលោក ហ៊ុយ សុជាតិ។សូមរំឭកថា លោក ហ៊ុយ សុជាតិ កាលនៅកាន់តំណែងជាប្រធានស្នាក់ការគយ និងរដ្ឋាករ ប្រចាំច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ ធ្លាប់ទទួលរងការចោទប្រកាន់ជាហូរហែថា ធ្វើការងារគិតតែប្រមូលលុយចូលហោប៉ៅផ្ទាល់ខ្លួន តាមរយៈការឃុបឃិតឲ្យឈ្មួញធំៗ នាំចូលទំនិញគេចពន្ធ ទំនិញបង់ពន្ធមិនគ្រប់ប្រភេទ នាំចូលពីប្រទេសថៃ ហើយគាបសង្កត់ដោយគ្មានការយោគយល់ឡើយ ចំពោះប្រជាពលរដ្ឋ ឬអាជីវករតូចរតាច ដែលនាំចូលទំនិញបន្តិចបន្តួចអូសតាមរទេះ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ