ឯកឧត្តម ហ៊ុន ម៉ានិត ៖ អត់ EBA ក៏កម្ពុជាយើង នៅរស់ដែរ(ភ្នំពេញ៖ នៅថ្ងៃទី១២ ខែកុម្ភៈ ឆ្នាំ២០១៩ ឯកឧត្តម ហ៊ុន ម៉ានិត កូនប្រុសសម្តេចតេជោ ហ៊ុន សែន នាយករដ្ឋមន្ត្រី និងជាឧត្តមសេនីយ៍ឯក ក្នុងជួរកងយោធពលខេមរភូមិន្ទបានប្រកាសថា៖ បើអត់ EBA របស់សហភាពអឺរ៉ុប ក៏កម្ពុជាយើងនៅរស់ដែរ។ឯកឧត្តម ហ៊ុន ម៉ានិត លើកឡើងថា៖ បើសិនជាក្នុងករណី ថ្ងៃក្រោយ EBA គេបានដកចេញមែន! គឺជាការសោកស្តាយមួយ។ វាអាចប៉ះពាល់ខ្លះៗ មកលើសេដ្ឋកិច្ចរបស់ប្រទេសកម្ពុជាយើង។ ប៉ុន្តែ ក៏ត្រូវចាំឲ្យបានច្បាស់លាស់ដែរថា៖ យើងមានអធិបតេយ្យភាពរបស់យើង។ យើងមានថ្នាក់ដឹកនាំកំពូលរបស់យើង ដែលមានឆន្ទៈដឹកនាំប្រទេស ដែលកន្លងមក យើងបានឃើញការអភិវឌ្ឍន៍យ៉ាងម៉េច? ស្ថិរភាព និងសន្តិភាពយ៉ាងម៉េច?។ឯកឧត្តម ហ៊ុន ម៉ានិត បន្តថា៖ «នយោបាយបច្ចុប្បន្ន នៅក្នុងប្រទេសរបស់យើង គឺស្ងប់ស្ងាត់។ ដោយសារតែភាពស្ងប់ស្ងាត់នេះហើយ បានជាគេ [បរទេស] ខិតខំ ប្រឹងប្រែងធ្វើយ៉ាងម៉េច ដើម្បីឲ្យមានភាពរំជើបរំជួល ទាំងនៅខាងមូលដ្ឋាន ក្នុងជួរបញ្ញាវ័ន្ត ទាំងខាងអ្នករកស៊ី ដើម្បីធ្វើតេស្ត ស្តាប់ថា តើបើសិនជាសេណារីយ៉ូមួយនេះ ចេញមក វាយ៉ាងម៉េច? សេណារីយ៉ូមួយនោះ ចេញមក វាយ៉ាងម៉េច? ដើម្បីគេងាយស្រួលដាក់ផែនការបន្ត»។ឯកឧត្តម ហ៊ុន ម៉ានិត ក៏បានវាយតម្លៃ ៣ ចំណុចថា ៖ ទី១-ត្រូវជឿជាក់ជាមួយថ្នាក់ដឹកនាំកំពូលរបស់យើង ក្នុងការដឹកនាំប្រទេស។ ទី២-ត្រូវការប្រមូលបញ្ញាញាណ ប្រមូលកម្លាំង ដើម្បីទ្រទ្រង់សាមគ្គីឲ្យបានរឹងមាំ ។ទី៣-ការបន្លាចរបស់បរទេស មកលើប្រទេសកម្ពុជាយើង មកលើរាជរដ្ឋាភិបាល មកលើគណបក្ស មកលើយុវជន មកលើអ្នករកស៊ីទាំងអស់នេះ គឺជាការធ្វើតេស្ត ឬមួយក៏គេចង់ធ្វើមែនក៏ដោយ តើយើងឱនក្បាលជាមួយបរទេស? ឬមួយក៏យើងងើបឲ្យមានមោទនភាពយើងជាខ្មែរ។ជាមួយនឹងការលើកឡើងខាងលើនេះ ឯកឧត្តម ហ៊ុន ម៉ានិត បានបញ្ជាក់ថា៖ ទោះបីយ៉ាងណាក៏ដោយ កម្ពុជាយើងនឹងបន្តការអភិវឌ្ឍន៍ ការថែរក្សាសន្តិភាព ស្ថិរភាព អភិវឌ្ឍន៍ធនធានមនុស្ស ហើយប្រទេស នឹងដើរទៅដោយរលូន។ឯកឧត្តម ហ៊ុន ម៉ានិត ក៏បានគូសបញ្ជាក់ថា៖ អត់ EBA ក៏ប្រទេសកម្ពុជាយើង នៅរស់ដែរ។ អត់ GSP ក៏ប្រទេសយើង នៅរស់ដែរ។ មានការលំបាកបន្តិចបន្តួច ប៉ុន្តែកុំភ្លេច នៅឆ្នាំ១៩៨០ មកដល់ឆ្នាំ១៩៩៣ តើប្រទេសយើងយ៉ាងម៉េច? នរណាខ្លះ គាបសង្កត់លើយើង? ដូច្នេះសូមចាំថា អស់ EBA ក៏ដោយ ក៏ប្រទេសកម្ពុជានៅតែរស់។ ប្រជាជនកម្ពុជា នៅតែប្រមូលផ្តុំសាមគ្គីគ្នា ដើម្បីកសាងប្រទេសកម្ពុជាយើងឲ្យកាន់តែរឹងមាំ។សូមបញ្ជាក់ថា សារដ៏មុតស្រួចម៉ឹងម៉ាត់របស់ឯកឧត្តម ហ៊ុន ម៉ានិត បានធ្វើឡើងភ្លាមៗ ខណៈដែលសហភាពអឺរ៉ុប កាលពីថ្ងៃទី១១ ខែកុម្ភៈ ឆ្នាំ២០១៩ បានចេញសេចក្តីសម្រេច ដើម្បីបើកដំណើរការនីតិវិធីជាផ្លូវការ សម្រាប់ការដកជាបណ្តោះអាសន្ននូវប្រព័ន្ធអនុគ្រោះពន្ធ «គ្រប់មុខទំនិញទាំងអស់លើកលែងគ្រឿងសព្វាវុធ (EBA)» ពីកម្ពុជា។នៅថ្ងៃទី១២ ខែកុម្ភៈ ឆ្នាំ២០១៩ រាជរដ្ឋាភិបាលកម្ពុជា ក៏បានប្រកាស ប្តេជ្ញាថា កម្ពុជា នៅតែមានឆន្ទៈបន្តពង្រឹងលំហប្រជាធិបតេយ្យ សិទ្ធិមនុស្ស សិទ្ធិការងារ ដូចដែលបានលើកឡើងក្នុងសេចក្តីថ្លែងការណ៍ ចុះថ្ងៃទី៣ ខែធ្នូ ឆ្នាំ២០១៨។ ប៉ុន្តែ យើងក៏មានការប្តេជ្ញាចិត្តយ៉ាងមុតមាំផងដែរ ក្នុងការការពារសន្តិភាព ស្ថិរភាព ឯករាជ្យភាព និងអធិបតេយ្យភាពជាតិរបស់យើង ទោះក្នុងតម្លៃណាក៏ដោយ។សេចក្តីថ្លែងការណ៍របស់ក្រសួងការបរទេស បានគូសបញ្ជាក់បន្ថែមថា៖ «យើងនឹងនៅតែបន្តខិតខំដោះស្រាយនូវរាល់បញ្ហាសង្គម-សេដ្ឋកិច្ចបន្ទាន់ៗទាំងឡាយ ដែលប៉ះពាល់ដល់ជីវភាពរបស់ប្រជាជនយើង ជាពិសេស គឺពលរដ្ឋ ដែលពឹងផ្អែកលើវិស័យនានា ដែលអាចនឹងរងផលប៉ះពាល់ដោយសារសេចក្តីសម្រេចរបស់សហភាពអឺរ៉ុបនេះ»។សេចក្តីសម្រេចរបស់សហភាពអឺរ៉ុបនេះ ក៏ត្រូវបានការិយាល័យអ្នកនាំពាក្យរាជរដ្ឋាភិបាលកម្ពុជា រួមទាំងក្រសួងការបរទេស បានចេញសេចក្តីថ្លែងការណ៍ឆ្លើយតបដោយចាត់ទុកថា សហភាពអឺរ៉ុប មិនបានធ្វើសកម្មភាពដោយឈរលើគោលការណ៍ «ស្មោះត្រង់» និង «យុត្តិធម៌» នោះទេ ហើយជាការធ្វើសេចក្តីសម្រេច ដែលមានចរិតហេតុផលនយោបាយនៅពីក្រោយ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ