ខេត្តរតនគិរី. ថ្ងៃទី ០៤ខែមករាឆ្នាំ ២០២២ប្រភពព័ត៌មានបានអោយដឹងថាលោកវិរៈសេនីយឯក កែវតាយ បានឃុបឃិតជាមួយឈ្មួញឈើប្រណិត ចាស់វស្សា ឈ្មោះមករា និងបក្សពួក ដែលជាដៃគូរកសុីល្មើសច្បាប់ អោយចេញឈើទៅប្រទេសវៀតណាមដោយខុសច្បាប់ តាមច្រកទ្វាអន្តរជាតិ តាមរថយន្តសាំយ៉ុង ក្នុងមួយថ្ងៃៗមិនក្រោម ៥ ឡាននោះទេ។

ជាក់ស្តែងកាលពីថ្ងៃទី ២៩-១២-២០២១ វរសេនីយ៍ឯក កែវ តាយ នាយរងប៉ុស្តី៍ស្តីទី និងជាប្រធានគោលដៅត្រួតពិនិត្យបារាស់បានផ្តើមអនុញាតិអោយឡានដឹកឈើល្មើសច្បាប់ប្រភទសាំយុ៉ង ដឹកឈើទៅប្រទេសវៀតណាចំនួន០៧គ្រឿង
ថ្ងៃទី៣០-១២-២០២១ ចំនួន៥គ្រឿង និងថ្ងៃទី៣១-១២-២០២១ ចំនួន ០៦គ្រឿង ហើយកំពុងបន្តចេញជាហូរហែរ ។

អ្នកសារព័ត៌មានប្រចាំខេត្តរតនគិរី គ្មានអ្នកណាម្នាក់ហ៑ានចេញផ្សាយឡើយ ដោយសារ ខ្លាចការគំរាមកំហែងពីអជ្ញាធរ សមត្ថកិច្ច ព្រោះមានអ្នកខ្លះ ជាប់គុកមិនទាន់បានចេញ និងអ្នកខ្លះទៀត ត្រូវគេបិទមាត់ស្ងាត់សូន្យដូចគេចុក។

ដូច្នេះយោងប្រភពប្រជាពលរដ្ឋដែលស្រឡាញ់ព្រៃឈើខ្មែរនៅខេត្តរតនគិរី មានមនសិការ សំណូមពរអោយលោក វិរសេនីយ៍ឯក ឃឹម ចិត្រា ប្រធានច្រក ព្រំដែន អន្តរជាតិអូរយ៉ាដាវ មេត្តា ជួយពិនិត្យលើមន្ត្រីក្រោមឱវាទ និងសូមអោយមន្រ្តីសមត្ថកិច្ចដែលពាក់ព័ន្ធ ដូចជាគណកម្មការបង្រ្កាបបទល្មើសព្រៃឈើ ថ្នាក់ជាតិ មេត្តាជួយ បង្រ្កាប និងចូលរួមថែរក្សាព្រៃឈើ ដែលជាធនធានសម្បត្តិធម្មជាតិ នៅសល់បន្តិចបន្តិចបន្តួចនេះ អោយគង់វង្សផង។