ក្រុងប៉ោយប៉ែត : នៅព្រឹក ថ្ងៃពុធ ៨រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ត្រូវនឹង ថ្ងៃទី២៩ ខែកញ្ញា ឆ្នាំ២០២១នេះ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ និង លោក វេជ្ជបណ្ឌិត រឿន សុធី អនុប្រធានមន្ទីរសុខាភិបាលខេត្ត បានដឹកនាំក្រុមការងារ មន្ត្រីជំនាញពាក់ព័ន្ធ អញ្ជើញចូលរួមបើកកិច្ចប្រជុំ ជាមួយនិងតំណាង រោងចក្រ ។

កិច្ចប្រជុំនេះ បានធ្វើឡើងនៅ ក្នុង រោងចក្រ SCWDO (ហាតឌីស) ស្ថិតក្នុងភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត គោលបំណង ស្តីពីការចាត់វិធានការបិទខ្ទប់ និងអនុញាតិអោយព្យាបាល នៅតាមអាគារស្នាក់នៅដាច់ដោយឡែករបស់ខាងរោងចក្រ ដោយតម្រូវអនុវត្តទៅតាមវិធានការនានា និងបច្ចេកទេសសុខាភិបាល ។

នៅក្នុងកិច្ចប្រជុំនាព្រឹកនេះក៏មានការអញ្ជើញចូលរួម ពី លោក អ៊ុយ ច័ន្ទរិទ្ធិ សមាជិកក្រុមប្រឹក្សាក្រុង និងជាប្រធានយុវជនក្រុងប៉ោយប៉ែត . លោក ឱក ទីនណា ប្រធានមន្ទីរពេទ្យបង្អែកក្រុងប៉ោយប៉ែត . លោក ស្រិល អុិន ចៅសង្កាត់ផ្សារកណ្ដាល និងក្រុមការងារពាក់ព័ន្ធជុំវិញក្រុងមួយចំនួនផងដែរ ៕