-កាលពីព្រឹកថ្ងៃទី០៣ ខែមិថុនា ឆ្នាំ២០២១ ដោយ បានការអនុញ្ញាតពីលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ឆៃ ច័ន្ទតារា ស្នងការរងទទួលដឹកនាំ អធិការដ្ឋាននគរបាលស្រុករតនមណ្ឌល ដែលកំពុងចូលរួមអនុវត្តវិធានការបង្ការទប់ស្កាត់ការរីករាលដាលនៃជម្ងឺកូវីដ១៩ជា មួយសមត្ថកិច្ចនគរបាលនិងអាជ្ញាធរពាក់ព័ន្ធនៅ មូលដ្ឋានស្រុករតនមណ្ឌលដែលជាចំណុចព្រំប្រទល់រវាងខេត្តបាត់ដំបង ជាមួយខេត្តប៉ៃលិន លោកបាននាំយកទឹកបរិសុទ្ធចំនួន ១០០ យួរនិងមី ចំនួន ១២កេសតូច ដែលជាអំណោយរបស់សប្បុរសជនក្នុងខេត្តបាត់ដំបងចូលរួមផ្តល់ជូនដល់សមត្ថកិច្ចដែលកំពុងឈរជើងបំពេញភារកិច្ចនេះមួយចំណែកនិងមួយចំណែកទៀតបានផ្តល់ជូនដល់មណ្ឌលព្យាបាលជម្ងឺកូវីដ១៩នៅក្នុងស្រុករតនមណ្ឌល ដែលក្នុងនោះមានបងប្អូនប្រជាពលរដ្ឋ លោកកំពុងសម្រាកព្យាបាលជម្ងឺនេះនៅទីនោះផងដែរ។

ជំនួសមុខឱ្យថ្នាក់ដឹកនាំស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ឯក ឆៃ ច័ន្ទតារា បានថ្លែងអំណរគុណយ៉ាងជ្រាលជ្រៅបំផុតចំពោះទឹកចិត្តជ្រះថា្លចូលរួមបរិច្ចាគនូវគ្រឿងឧបភោគបរិភោគផ្ទាល់ខ្លួន ផ្តល់ជូនដល់កងកម្លាំងសមត្ថកិច្ចពាក់ព័ន្ធដែលកំពុងបំពេញភារកិច្ចយ៉ាងសកម្មក្នុងការបង្ការទប់ស្កាត់ករណីឆ្លងរាលដាល ជម្ងឺកូវីដ១៩ និងផ្តល់ជូនដល់មណ្ឌលព្យាបាលជម្ងឺនៅទីនេះផងដែរ ៕(