ថ្ងៃអង្គារ៍ ទី២៣ ខែមេសា ឆ្នាំ២០៥០
គេហទំព័រ ធីអ៊ិនស៊ី ព័ត៌មានពិតក្នុងដៃអ្នក! 2020
លោក ជ្រិញ គឹមនី មេប៉ូលិស​សេ​ដ្ឋ​កិ​ច្ច​ ខេ​ត្ត​សៀមរាបឲ្យមន្ត្រី​ជំនិត ក្តោបចំណូលចំណូលតាមគ្រប់រូបភាពតាមរបៀបពុករលួយ,,,
Sat,29 May 2021 (Time 06:35 AM)
ដោយ ៖ សហការីTNC (ចំនួនអ្នកអាន: 293នាក់)

ក្រុមអ្នករកស៊ីតូចតាច បានឲ្យដឹងថា: លោកវរសេនីយ៍ឯក ជ្រិញ គឹមនី ប្រធាន ការិយាយល័យ ន​គរ​បា​ល ប្រឆាំ​ង​ប​ទ​ល្មើសសេដ្ឋកិច្ច ខេត្តសៀមរាប កំពុងជិះសេះ​លែង​ដៃបាន បង្កើតបក្ខពួកនិយម ចាត់តាំង កូនចៅជំនិតៗ ឲ្យចុះប្រមូលលុយ ពីការដឹកជញ្ជូនទំនិញ ការរកស៊ីស្តុកឈើខុសច្បាប់ និងការជីកកាយអាចម៍
ដី ធ្វើអាជីវកម្ម តាមគ្រប់រូបភាព ហាក់ដូចជា មិនក្រែងញញើតចំពោះការកែទម្រង់។

.ប្រភពបានទម្លាយឲ្យដឹងថា: ក្នុងនោះលោក ជ្រិញ គឹមនី បានចាត់ចែង មនុស្សជំនិត ៤នាក់ ឲ្យក្តោបចំណូលសេដ្ឋកិច្ច តាមគ្រប់រូបភាព រួមមាន ១-លោក សុខ ភិរម្យ ទទួលបន្ទុក បង្រ្កាបទីតាំង អាជីវកម្ម ជីកអាចម៍ដីលក់ អាជីវកម្មធនធានរ៉ែ ២-លោក ម៉េង សំណាង នាយរងការិយាល័យ និង៣-លោក ព្រាប រីសារ៉េត ទទួលផែន បង្រ្កាប បទល្មើសព្រៃឈើ មកពីខេត្តព្រះវិហារ ខេត្តឧត្តរមានជ័យ និង ជលផល និង៤-លោក ហេង ហឿយ ទទួលផែន បង្រ្កាបទំនិញគេចពន្ធ មកពីច្រកប៉ោយប៉ែត ច្រកជាំ អន្លង់វែង ច្រកដូង ខេត្តបាត់ដំបង និងពីខេត្តកំពង់ចាម។

.កន្លងមកគេឃើញ លោក ជ្រិញ គឹមនី បញ្ជាឲ្យកូនចៅ បង្ក្រាបការរកស៊ីដឹកឈើ ទំនិញខុសច្បាប់ និងអាហារខូចគុណភាព របស់ឈ្មួញតូចតាច ដែលមិនបានជូនដំណឹង ដើម្បីយកស្នាដៃបង្អួតថ្នាក់លើ។
លោក ជ្រិញ គឹមនី បានបើកដៃឲ្យកូនចៅ ប្រមូលផលប្រយោជន៍ ពីក្រុមឈ្មួញ ដឹកជញ្ជូនឈើ និងទំនិញខុសច្បាប់ នៅលើផ្លូវជាតិលេខ៦ និងផ្លូវជាតិលេខ៦៧ ដែលពោរពេញ ដោយបទល្មើស ដែលជាប្រភពចំណូលជាច្រីន។ ក្រុមអ្នករកស៊ី ប្រកបអាជីវកម្ម ជីកកាយអាចម៍ដី ឬបកស្រែ យកដីលក់ ក៏បានសម្តែង ការមិនសប្បាយចិត្ត ចំពោះសកម្មភាព ប៉ូលិសសេដ្ឋកិច្ច ដែលតម្រូវឲ្យ ពួកគាត់បង់លុយ ក្នុងកម្រិតខ្ពស់ ដើម្បីកុំឲ្យមានការរំខាន ក្នុងរបររកស៊ី។

.ប្រភពពីអ្នករកស៊ី អាជីវកម្មដឹកដី បានឲ្យដឹងថា: លោក ជ្រិញ គឹមនី បានបើកដៃ ឲ្យលោក សុខ ភិរម្យ ជានាយរង ការិយាល័យ ទទួលផែន បង្រ្កាប អាជីវកម្មធនធាន ពង្រាយកូនចៅ ឲ្យចុះពិនិត្យ តាមទីតាំងរណ្តៅដី ជាពិសេស តាមការដ្ឋានជីកដី បកស្រែ ដើម្បីសួររកច្បាប់ទម្លាប់។

.កន្លងមក ការធ្វើអាជីវកម្ម ជីកអាចម៍ដី ឬបកស្រែ យកដីលក់ អាជ្ញាធរខេត្ត បានតម្រូវ ឲ្យធ្វើការស្នើសុំច្បាប់ ស្របតាម សារាចរណែនាំ របស់ ក្រសួងរ៉ែ និងថាមពល។
.តាមការ សង្កេតកន្លងមក ក្រុមអាជីវកម្ម ជីកកាយអាចម៏ដី ដែលមានខ្សែ ឬផ្តល់ផលប្រយោជន៍ បង់លុយខែ ឲ្យក្រុមមន្ត្រី អាចរកស៊ីដឹកដី ដោយគ្មានការរំខាន។
តែសម្រាប់អ្នករកស៊ី បកដីស្រែ គ្រាន់បានលុយចិញ្ចឹមឆ្នាំង ត្រូវប៉ូលិសសេដ្ឋកិច្ច របស់លោក ជ្រិញ គឹមនី ចុះត្រួតពិនិត្យ សួររកច្បាប់អាជីវកម្ម និងតម្រូវទៅតាម ក្រិតក្រម ត្រួតពិនិត្យឡានដឹកដី ទាំងលក្ខណៈបច្ចេកទេស និងផ្លាកលេខរថយន្ត បង្ករផលលំបាក គ្រប់បែបយ៉ាង។

.ក្នុងករណីចន្លោះប្រហោង ពីបញ្ហាច្បាប់ទម្លាប់ ក្រុមប៉ូលិសសេដ្ឋកិច្ច បានគំរាម ផ្អាកសកម្មភាព ជីកដីស្រែ យកអាចម៍ដីលក់ និងឃាត់គ្រឿងចក្រទុក ដើម្បីដោះស្រាយ។ ក្រុមម្ចាស់ការដ្ឋាន ជីកបកដីស្រែ យកអាចម៍ដី ធ្វើអាជីវកម្ម បានទទូចសុំឲ្យ លោកឧត្តមសេនីយត្រី ម៉ក់ ធារ៉ា ស្នងការរង ទទួលដឹកនាំ ការិយាល័យ ប្រឆាំងបទល្មើសសេដ្ឋកិច្ច នៃស្នងការដ្ឋាន នគរបាលខេត្តសៀមរាប មេត្តាពិនិត្យមើល ភាពអសកម្ម។

ចំនួនអ្នកទស្សនា

ថ្ងៃនេះ :
517 នាក់
ម្សិលមិញ :
291 នាក់
សប្តាហ៍នេះ :
2950 នាក់
ខែនេះ :
12612 នាក់
3 ខែនេះ :
40360 នាក់
សរុប :
1648864 នាក់

ព័ត៌មានគួរចាប់អារម្មណ៍

(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)

ព័ត៌មានគួរចាប់អារម្មណ៍

ភ្នំពេញ ៖ តុលាការកាត់ទោស​ឧកញ៉ា​ សុខ ប៊ុន និង​មន្ត្រី​អាជ្ញាធរ​កោះរ៉ុង​៥​នាក់​ ក្លែង​ឯកសារ​រំលោភ​យក​ដី​រដ្....ឋ (សហការីTNC)

ព័ត៌មានគួរចាប់អារម្មណ៍

(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)

ព័ត៌មានគួរចាប់អារម្មណ៍

(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)

ព័ត៌មានគួរចាប់អារម្មណ៍

ពេលនេះផ្លូវ​ជាតិ​លេខ ១០ ថ្មី ពី​សំឡូត​មក​កោះកុង ចាប់ផ្តើម​ចេញ​រូបរាង​បណ្តើរៗ (សហការីTNC)

វីដែអូ