ដើម្បីចូលរួមបង្ការ និងទប់ស្កាត់ការឆ្លងរីករាលដាលនៃជំងឺកូវីដ១៩(COVID-19) លោក គាត ហ៊ុល អភិបាលនៃគណៈ អភិបាលក្រុងប៉ោយប៉ែត និង ជាប្រធានគណៈបញ្ជាការឯកភាពក្រុង បាន ដឹកនាំកម្លាំងចម្រុះទាំង៣ស្ថាប័ន ចុះត្រួតពិនិត្យ និងចែកលិខិតជូនដំណឹងដល់ម្ចាស់ទីតាំងដើម្បីបិទរឺផ្អាកអាជីវកម្ម មួយរយះ មានដូចជា KTV ក្លឹបកម្សាន្ត(ខារ៉ាអូខេ រង្គសាល ឌីស្កូតែក និងបៀរហ្កាឌិន) និងធ្វើការណែនាំដល់ម្ចាស់អាជីវកម្មភោជនីយដ្ឋាន ត្រូវយកចិត្តទុកដាក់អនុវត្តតាមគោលការណ៍ណែនាំ របស់ក្រសួងសុខាភិបាល ជាពិសេសជំរុញការអនុវត្តឲ្យបានម៉ឺងម៉ាត់បំផុតនូវវិធានការ «៣ ការពារ និង ៣ កុំ» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។
ក្រុងប៉ោយប៉ែត ខេត្តបន្ទាយមានជ័យ នៅព្រលប់ថ្ងៃអង្គារ ១២កើត ខែផល្គុន ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៣ ខែកុម្ភៈ ឆ្នាំ ២០២១ ។