-នៅព្រឹកថ្ងៃ ពុធ ១៣កើត ខែ ផល្គុន ឆ្នាំជូតទោស័កព.ស.២៥៦៤ត្រូវនឹងថ្ងៃទី ២៤ ខែ កុម្ភះ ឆ្នាំ ២០២១ អនុវត្តតាមលក្ខន្តិកៈសមាគមមិត្តនគរបាលជាតិកម្ពុជា លោកឧត្តមសេនីយ៍ទោ សាត គឹមសាន ស្នងការនៃស្នង ការដ្ឋានគរបាលខេត្តបាត់ដំបងនិងជាប្រធានគណៈកម្មាធិការមូលដ្ឋានសមាគមមិត្តនគរបាលជាតិកម្ពុជានៃស្នងការដ្ឋាននគរបាលខេត្តបាត់ដំបង បានចាត់តាំងលោកឧត្តមសេនីយ៍ត្រី សៅ សាម៉ុន ស្នងការរងផែនការ ងារធនធានមនុស្សនិងជាអនុប្រធាននគណៈកម្មាធិការមូលដ្ឋានសមាគមមិត្តនគរបាលជាតិកម្ពុជានៃស្នងការដ្ឋាននគរបាល ខេត្តបាត់ដំបងនាំយកថវិកាសមាគមមិត្តនគរបាលជាតិ កម្ពុជាប្រគល់ជូនដល់ក្រុមគ្រួសារសពលោក អ៊ុំ សុខា អាយុ៦១ឆ្នាំ ជានិវត្តជនអតីតមន្រ្តីនគរបាលនៃអធិការដ្ឋាននគរបាលស្រុករតនមណ្ឌលនិងជាសមាជិកសមាគមមិត្តនគរបាលជាតិកម្ពុជា ដែល លោកបានទទួលមរណភាពកាលពីថ្ងៃទី ២៣ ខែ កុម្ភ: ឆ្នាំ២០២១ វេលាម៉ោង ៥និង៣៥ នាទីព្រឹក ដោយសារឡើងសម្ពាធឈាមធ្ងន់ធ្ងរ បណ្តាលឱ្យដាច់សសៃឈាមខួរក្បាលហើយពេលនេះសពកំពុងតម្កល់ធ្វើបុណ្យក្នុងលំនៅដ្ឋានស្ថិតនៅភូមិ ស្ដៅ ឃុំស្ដៅ ស្រុករតណមណ្ឌល ខេត្តបាត់ដំបង។

ថវិកាសមាគមមិត្តនគរបាលជាតិកម្ពុជាចំនួន៦, ០ ០០,០០០រៀល (ប្រាំមួយលានរៀល) បានប្រគល់ជូនក្រុមគ្រួសារសពដើម្បីបានចាត់ចែងប្រើប្រាស់ ក្នុងពិធីបុណ្យនេះ ។

លោកឧត្តមសេនីយ៍ត្រី សៅ សាម៉ុន បានពាំនាំនូវការផ្តាំផ្ញើចូលរួមរំលែកទុក្ខពីសំណាក់ថ្នាក់ដឹក នាំក្រសួងមហាផ្ទៃដែលមានសម្តេចក្រឡា ហោ ម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងម ហាផ្ទៃនិងជាប្រធានកិត្តិយសសមាគមមិត្តនគរ បាលជាតិកម្ពុជា ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិនិងជាប្រធាសមាគមមិត្តនគរបាលជាតិកម្ពុជាព្រមទាំងឯកឧត្តមនាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិប្រធាននាយ កដ្ឋានបុគ្គលិកនិងជាអគ្គលេខាធិការសមាគមមិត្តនគរបាលជាតិកម្ពុជានិងថ្នាក់ដឹកនាំស្នងការដ្ឋាននគរបាលខេត្តបាត់ដំបងចំពោះក្រុមគ្រួសារសព។

ក្នុងឱកាសនេះដែរក្រុមគ្រួសារសពបានសម្តែងនូវអំ ណរគុណយ៉ាងជ្រាលជ្រៅចំពោះការយកចិត្តទុកដាក់គឹតគូរពីសុខទុក្ខនិងការលំបាករបស់ក្រុមគ្រួសារសមាជិកសមាគមមិត្តនគរបាលជាតិកម្ពុជា ពីសំណាក់ថ្នាក់ដឹកនាំគ្រប់ថ្នាក់នៃស មាគមមិត្តនគរបាលជាតិកម្ពុជា៕