ភ្នំពេញៈ តុលាការកំពូលបានជំនុំជម្រះលើសំណុំរឿងនៃអតីតនិស្សិតអាហារូបករណ៍ម្នាក់ នៅព្រឹកថ្ងៃទី ១៦ ធ្នូ ពាក់ព័ន្ធការលក់អាវុធខ្លីប្រើហ្គាសតាមអនឡាញប្រព្រឹត្តនៅខេត្តសៀមរាប អំឡុងឆ្នាំ ២០១៨-២០១៩ ប្រមាណ ជា ៣០០ ដើម ដែលត្រូវបានចោទពីបទផលិត ឬ ធ្វើចរាចរណ៍អាវុធ និងគ្រាប់រំសេវគ្រប់ប្រភេទ។សវនាការដែលមានវត្តមានលោកស្រី គិម សត្ថាវី ជាប្រធានក្រុមប្រឹក្សាជំនុំជម្រះនៃតុលាការកំពូល និងលោក អ៊ុក គឹមសិទ្ធិ ជាតំណាងមហាអយ្យការបានបង្ហាញកំណត់ហេតុក្នុងអង្គសវនាការថា ជនជាប់ចោទឈ្មោះ ជា ហ៊ាបហ៊ ភេទប្រុស អាយុ ១៩ ឆ្នាំជានិស្សិតអាហារូបករណ៍រៀននៅប្រទេសថៃ។លោកស្រី ម៉ាលីស កនីកា ជាមេធាវីការពារសិទ្ធិឱ្យឈ្មោះ ជា ហ៊ាបហ៊ បានធ្វើសេចក្តីសន្និដ្ឋានក្នុងសវនាការ ដែលអវត្តមានកូនក្តីថា មូលហេតុដែលកូនក្តីរបស់លោកស្រីប្តឹងមកតុលាការកំពូល ដោយសារគាត់មិនសុខចិត្តនឹងទណ្ឌកម្មទោស ៣ ឆ្នាំ។ គាត់គិតថា ទោស ៣ ឆ្នាំនៅតែច្រើនសម្រាប់គាត់។ លោកស្រីថ្លែងថា៖ «ដូចនេះសូមតុលាការកំពូលមេត្តាពិចារណាលើទណ្ឌកម្មទោសដល់កូនក្តីខ្ញុំផង។ កូនក្តីខ្ញុំមិនមែនជាអ្នកជួញដូរអាវុធទេ តែគាត់លក់ដើម្បីបានចំណេញយកក្បាលកាក់ប៉ុណ្ណោះ»។លោក អ៊ុក គឹមសិទ្ធិ តំណាងមហាអយ្យការសន្និដ្ឋានថា ជនជាប់ចោទត្រូវបានតុលាការខេត្តសៀមរាប ផ្តន្ទាទោស ៥ ឆ្នាំ ហើយមកសាលាឧទ្ធរណ៍ភ្នំពេញឱ្យអនុវត្តទោស ៣ ឆ្នាំ និងព្យួរទោស ២ ឆ្នាំ។ លោកថ្លែងថា៖ «រឿងនេះខ្ញុំទុកជូនក្រុមប្រឹក្សាពិចារណាតាមច្បាប់ចុះ»។អង្គហេតុបង្ហាញថា នៅឆ្នាំ ២០១៨ ខណៈកំពុងសិក្សានៅប្រទេសថៃ ជនជាប់ចោទបានលេងហ្វេសប៊ុក ហើយក៏បានទំនាក់ទំនងជាមួយបុរសថៃម្នាក់ដែលជាអ្នកលក់កាំភ្លើងហ្គាសតាមអនឡាញនៅប្រទេសថៃ។ បន្ទាប់មកជនជាប់ចោទបានបញ្ជាទិញកាំភ្លើងហ្គាសនោះយកមកលក់បន្តនៅខេត្តសៀមរាប រហូតដល់ដើមខែមិថុនា ឆ្នាំ ២០១៩។ ប៉ុន្តែជនជាប់ចោទ និងបក្ខពួក ២ នាក់ទៀតត្រូវបានសមត្ថកិច្ចស្រាវជ្រាវចាប់ខ្លួនបាននៅខេត្តសៀមរាបកាលពីល្ងាចថ្ងៃទី ៥ ខែមិថុនា ឆ្នាំ ២០១៩។កំណត់ហេតុបង្ហាញទៀតថា ក្នុងប្រតិបត្តិការនោះសមត្ថកិច្ចឃាត់ជនសង្ស័យបាន ៣ នាក់។ ទី ១ ឈ្មោះ ជា ហ៊ាបហ៊ ភេទប្រុស អាយុ ១៩ ឆ្នាំ ជានិស្សិតអាហារូបករណ៍រៀននៅប្រទេសថៃ និងស្នាក់នៅក្រុមទី ៧ ភូមិខ្នារ សង្កាត់ជ្រាវ ក្រុង-ខេត្តសៀមរាប ជាអ្នកបញ្ជាទិញ និងដឹកជញ្ជូនមកខេត្តសៀមរាប។ ទី ២ ឈ្មោះ លី តាំងឆេង ភេទប្រុស អាយុ ២០ ឆ្នាំ និងទី ៣ ឈ្មោះ ឡី ម៉េងឡុង ភេទប្រុស អាយុ ១៩ ឆ្នាំ ពួកគេជាសិស្ស និងរស់នៅភូមិតាវៀន សង្កាត់សាលាកំរើក ក្រុង-ខេត្តសៀមរាប។ វត្ថុតាងដែលសមត្ថកិច្ចដកហូតមាន អាវុធខ្លីពិត ១ ដើម ម៉ាក G Lock ពណ៌ខ្មៅ ។ ហ្គាសបញ្ចូលកាំភ្លើងសម្រាប់បាញ់ ៥ ដបស្នាប់កាំភ្លើងខ្លី ពណ៌ខ្មៅ ចំនួន ១ ទួរណឺវីស ៣ ដុំ លិខិតឆ្លងដែន របស់ឈ្មោះ ជា ហ៊ាបហ៊ ១ ក្បាល កាតវីងចំនួន ១ កាតធានារ៉ាប់រងប្រទេសថៃចំនួន ១ ក្បាល។ ពួកគេបានជួញដូរកាំភ្លើងខ្លីប្រើហ្គាស និងកាំភ្លើងប្រើខ្យល់ ៣០០ ដើម។សំណុំរឿងនេះត្រូវបានសាលាដំបូងខេត្តសៀមរាបបើកសវនាការ និងប្រកាសសាលក្រមនៅថ្ងៃទី ២៤ ខែមករា ឆ្នាំ ២០២០ ផ្តន្ទាទោសដាក់ពន្ធនាគារក្នុងម្នាក់ៗ ៥ ឆ្នាំ។ ប៉ុន្តែជនជាប់ចោទទាំង ៣ នាក់មិនសុខចិត្ត ប្តឹងទាស់មកសាលាឧទ្ធរណ៍ភ្នំពេញហើយត្រូវបានឧទ្ធរណ៍បើកសវនាការ និងប្រកាសសាលដីកាសម្រេចឱ្យជនជាប់ចោទទាំង ៣ នាក់អនុវត្តទោសក្នុងពន្ធនាគារម្នាក់ៗកំណត់រយៈពេល ៣ ឆ្នាំ និងព្យួរទោស ២ ឆ្នាំ។ ប៉ុន្តែមានតែជនជាប់ចោទឈ្មោះ ជា ហ៊ាបហ៊ តែម្នាក់ប៉ុណ្ណោះ ដែលប្តឹងសារទុក្ខមកតុលាការកំពូល។ក្រោយជំនុំជម្រះអស់រយៈពេលជាងកន្លះម៉ោង លោកស្រីចៅក្រម គិម សត្ថាវី បញ្ជាក់ថា សាលដីកានេះនឹងប្រកាសនៅថ្ងៃទី ១២ មករា៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ