ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅព្រឹកថ្ងៃទី២១ ខែឧសភា ឆ្នាំ២០២០នេះ នៅតែបន្តអំពាវនាវឲ្យបងប្អូនជនរួមជាតិខ្មែរ ចូលរួមទប់ស្កាត់ការឆ្លងរីករាលដាលនៃជំងឺកូវីដ១៩ ខណៈអ្នកឆ្លងជំងឺនេះនៅលើពិភពលោក បានកើនក្បែរ៥លាននាក់ហើយ។សម្តេចតេជោ ក៏បានបន្តអំពាវនាវដល់បងប្អូនប្រជាពលរដ្ឋខ្មែរទាំង ប្រុងប្រយ័ត្នគ្រប់វិនាទី កុំឲ្យការឆ្លងជំងឺដ៏កាចសាហាវនេះ ដោយត្រូវអនុវត្តន៍វិធានការណែនាំ របស់ក្រសួងសុខាភិបាលឲ្យបានជាប់លាប់ ត្រូវពាក់ម៉ាសពេលចេញក្រៅផ្ទះ ត្រូវលាងដៃជាមួយសាប៊ូ និងអាល់កុលជាប្រចាំ កាត់បន្ថយការជួបជុំប្រមូលផ្តុំគ្នាច្រើន។សម្តេចតេជោ ហ៊ុន សែន បានសរសេរក្នុង Facebook ផ្លូវការយ៉ាងដូច្នេះថា «សុខសប្បាយទេបងប្អូនជនរួមជាតិ? យើងបន្តចូលរួមទប់ស្កាត់ ការឆ្លងរីករាលដាលជំងឺកូវីដ-១៩ នៅទូទាំងប្រទេស។ មកទល់ថ្ងៃនេះ នៅលើពិភពលោកចំនួនអ្នកឆ្លងជំងឺកូវីដ-១៩ បានកើនឡើងក្បែរ៥លានករណីហើយ ដែលគួរឲ្យបារម្ភខ្លាំងបំផុត។ ហើយមកទល់ពេលនេះ ពិភពលោកក៏មិនទាន់រកឃើញថ្នាំព្យាបាលជំងឺឆ្លងរលាកផ្លូវដង្ហើម Covid-19 នេះនៅឡើយដែរ។ ទាំងកម្ពុជា និងពិភពលោក យើងកំពុងតែរួមគ្នាប្រយុទ្ធប្រឆាំងនឹងជំងឺឆ្លង ដ៏កាចសាហាវបំផុតនេះ។សូមបងប្អូនប្រជាពលរដ្ឋ បន្តការប្រុងប្រយ័ត្នគ្រប់វិនាទី កុំឲ្យឆ្លងរោគពីគេមកយើង និងពីយើងទៅគេ។ បើចាំបាច់ចេញក្រៅផ្ទះត្រូវពាក់ម៉ាសការពារ ត្រូវដុសសម្អាតដៃជាមួយសាប៊ូ ទឹកអាល់កុល ឬជេលជាប្រចាំ កាត់បន្ថយការជួបជុំប្រមូលផ្ដុំគ្នាច្រើន និងត្រូវបន្តអនុវត្តតាមការណែនាំ របស់ក្រសួងសុខាភិបាលគ្រប់ពេលវេលា។ សូមបងប្អូនជនរួមជាតិយកចិត្តទុកដាក់ខ្ពស់ លើអនាម័យសុខភាពរស់នៅ ឲ្យបានល្អជាប្រចាំ ដូចគ្នានឹងការគោពច្បាប់ចរាចរណ៍ ដើម្បីសុវត្ថិភាពអាយុជីវិតយើងទាំងអស់គ្នា»។សូមជម្រាបថា កម្ពុជាបានរកឃើញអ្នកឆ្លងជំងឺកូវីដ១៩ ចំនួន១២២នាក់ គិតចាប់ពីថ្ងៃទី២៧ ខែមករា ឆ្នាំ២០២០មក ហើយអ្នកជំងឺកូវីដ១៩ទាំង១២២នាក់នេះ បានជាសះស្បើយជាបន្ដបន្ទាប់ មិនមានអ្នកជំងឺកូវីដ១៩ទៀតឡើយ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ