(ខេត្តពោធ៌សាត់ )យោងតាមប្រភពព័ត៌មាន ពីមន្ត្រីមួយចំនួននៅតាមអង្គភាពនានាជុំវិញសាលាខេត្តពោធិ៍សាត់ខ្សឹបខ្សៀវតាមតុកាហ្វេ ក្រោយការចាប់ខ្លួនមន្ត្រី មន្ទីរ សុរិយោដីខេត្តពោធិ៍សាត់ ៣នាក់ ដោយពួកគេអះអាងថា រឿងពុករលួយ នៅខេត្តពោធិ៍សាត់ ដែលធ្ងន់ធ្ងរខ្លាំងណាស់ដែរនោះ គឹលោក ម៉ា សំអាត ប្រធានសាខា ពន្ធដារខេត្តពោធិ៍សាត់ ពាក់ព័ន្ធនឹងបញ្ហាផ្ទេរកម្មសិទ្ធិដីធ្លី ក៏ដូចជាការបង់ពន្ធដីធ្លី ឬអចលនទ្រព្យ ក្នុងខេត្តពោធិ៍សាត់ ។ ប្រភពខាងលើបានបន្តទៀតថា ការទាមទារប្រាក់របស់លោកប្រធានសាខាពន្ធដារខេត្តពោធិ៍សាត់ មិនខុសពីក្រុមមន្ត្រីនៃមន្ទីរសុរិយោដីខេត្ត ដែលត្រូវបានចាប់ខ្លួន កាលពីប៉ុន្មានថ្ងៃមុននោះទេ ។ លោក ម៉ា សំអាត វាយតម្លៃ ការទារពន្ធតែនៅលើបបូរមាត់ ពោលគឺកាប់ឆៅៗតែម្តង ។ ហេតុដូច្នេះហើយ បានជាក្រុមមន្ត្រី នានា នៅក្នុងខេត្តពោធិ៍សាត់ ចេះតែនាំគ្នាខ្សឹបខ្សៀវ តាមតុកាហ្វេរឿងពុករលួយនេះ ។បើតាមសេចក្តីរាយការណ៍ បានបង្ហើបថា លោក ម៉ា សំអាត បានទទួលតំណែងជាប្រធានសាខាពន្ធដារ ខេត្តពោធិ៍សាត់ កាលពីថ្ងៃទី២៥ ខែធ្នូ ឆ្នាំ២០១៧ ។ រយៈពេលជិត ២ឆ្នាំ នៃការកាន់អំណាច ក្រៅតែពីអំពើពុករលួយ ឃុបឃិតគ្នាជាប្រព័ន្ធ លោក ម៉ា សំអាត ក៏បានកសាង កម្លាំង ញាតិមិត្តនៅក្នុងអង្គភាព មិនតិចនោះដែរ ។ អំពើពុករលួយ បក្ខពួកនិយម បានកើតមាន នៅក្នុងអង្គភាព មួយនេះ យ៉ាងសកម្ម គេខ្សឹបថា មានតែមន្ត្រី ដែលស្និទ្ធ ឬបក្ខពួកលោក ម៉ា សំអាត ប៉ុណ្ណោះ ដែលមានការងារធ្វើមិនសម្រាក រីឯ អ្នកអត់ខ្សែទុយយោ រកតែ អំបិលលិឌមិនបានផង ។ ពាក់ព័ន្ធនឹងបញ្ហាពន្ធដារឯណោះ ត្រូវគេអះអាងថា ការវាយតម្លៃ អាស្រ័យតែទៅលើការយល់យល់ឃើញរបស់លោក ម៉ា សំអាត ។ រីឯ ឯកសារខ្លះ ដែល មិនមានផលប្រយោជន៍សម្រាប់លោកម៉ា សំអាត ត្រូវបានទុកចោល គ្មាននរណាគិតគូរដោះស្រាយជូនប្រជាពលរដ្ឋនោះឡើយ ។ប្រភពពីមន្ត្រី នៅខេត្តពោធិ៍សាត់ អះអាងថា ទំហំនៃអំពើពុករលួយ របស់ប្រធានសាខាពន្ធដារខេត្តពោធិ៍សាត់ មិនចាញ់ ក្រុមមន្ត្រីនៃ មន្ទីរ ដែនដីនគរូបនីយកម្ម និងសំណង់ប៉ុន្មានទេ ។ ជាងនេះទៅទៀត ការទារពន្ធដារទៅលើបញ្ហាអចលនទ្រព្យ គឺអាស្រ័យតែ លើបបូរមាត់ របស់ ពួកមន្ត្រីពន្ធដារ ដែលស្និទ្ធនឹងលោក ម៉ា សំអាតប៉ុណ្ណោះ ។ ករណីនេះ ត្រូវបានគេជជែកគ្នាស្ទើរគ្រប់ទីកន្លែង ទាំងក្នុងចំណោមមន្ត្រីរាជការ ក៏ដូចប្រជាពលរដ្ឋ ដែលទៅបង់ពន្ធ ។ គេនិយាយថា ប្រជាពលរដ្ឋ ចង់បង់ពន្ធជូនរដ្ឋ ប៉ុន្តែ ស្ថាប័នជំនាញ នៅខេត្តពោធិ៍សាត់ ហាក់ដូចជាបង្កការលំបាកដល់ប្រជាពលរដ្ឋទៅវិញ ។ ការបង់ពន្ធគ្មានអ្វីជាក់លាក់ ប្រាកដប្រជានោះឡើយ ផ្ទុយទៅវិញ វាអាស្រ័យតែទៅលើ ការសម្រេច របស់លោក ម៉ា សំអាត តែប៉ុណ្ណោះ ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ