នារីបម្រើការងារនៅហាងខារ៉ាអូខេ យីហោ ម៉ីម៉ី ម្នាក់បានស្លាប់ ៣នាក់ទៀតរងរបួសធ្ងន់ស្រាល បន្ទាប់ពីត្រូវបានភ្ញៀវមួយក្រុមមានគ្នា៥នាក់ លាយថ្នាំឲ្យផឹកជាមួយភេសជ្ជះ បានរយៈពេលប្រមាណ៥នាទី ។ ករណីនេះ បង្កឲ្យមាន ការភ្ញាក់ផ្អើលនៅវេលាម៉ោង១និង៣០នាទី ទៀបភ្លឺ ថ្ងៃទី១៧ ខែមិថុនា ឆ្នាំ២០១៩ នៅក្នុងបន្ទប់លេខ៧៧៧៧ នៃហាងខារ៉ាអូខេយីហោ ម៉ីម៉ី ស្ថិតក្នុងភូមិក្អមសំណរ ឃុំក្អមសំណរ ស្រុកលើកដែក ខេត្ដកណ្ដាល ។ក្រោយពីមានហេតុការណ៍កើតឡើង ជនសង្ស័យ៤នាក់ ក្នុងចំណោមបក្ខពួក៥នាក់ ត្រូវបាននគរបាលឃាត់ខ្លួន បញ្ជូនទៅកាន់អធិការដ្ឋានគរបាលស្រុកលើកដែក ដើម្បីធ្វើការសាកសួរ និងកសាងសំណុំរឿងចាត់ការតានីតិវិធីច្បាប់ ។ នៅព្រឹកថ្ងៃទី១៧ ខែមិថុនា ឆ្នាំ២០១៩ដដែលនេះ សមត្ថកិច្ចនគរបាលព្រហ្មទណ្ឌកម្រិត ស្រាលខេត្ដកណ្ដាល សហការជាមួយសមត្ថកិច្ចនគរបាលស្រុកលើកដែកក្រោមការដឹកនាំសម្របសម្រួលនីតិវិធីច្បាប់ ពីលោក ឯក ស៊ុនរស្មី ព្រះរាជអាជ្ញារង បានចុះទៅពិនិត្យ នឹងស្រាវជ្រាវ នៅចំណុចទីតាំងកើតហេតុផងដែរ ។ប្រភពពីសមត្ថកិច្ចនគរបាលស្រុកលើកដែកបានឲ្យដឹងថា ជនសង្ស័យ៤នាក់ដែលត្រូវបានឃាត់ខ្លួន ទី១ឈ្មោះ ទឹម វឌ្ឍនៈ ភេទប្រុស អាយុ៣៩ឆ្នាំ ជនជាតិខ្មែរ ទី២ឈ្មោះ ចន្រ្ដា វណ្ណៈ ភេទប្រុស អាយុ៣៥ឆ្នាំ ជនជាតិខ្មែរ ទី៣ឈ្មោះ កែវ វឌ្ឍនៈពូន ភេទប្រុស អាយុ២៧ឆ្នាំ ជនជាតិខ្មែរ ។ ជនសង្ស័យទាំង៣នាក់នេះ ស្នាក់នៅតំបន់ច្រកទ្វារអន្ដរជាតិក្អមសំណរ ទី៤ឈ្មោះ វ៉ាន់ ជីវ័ន្ដ ភេទប្រុស អាយុ២៩ឆ្នាំ ជនជាតិខ្មែរ មុខរបរកម្មករ ។ ចំណែកឯជនសង្ស័យម្នាក់ទៀតដែលរត់គេចខ្លួនឈ្មោះ វណ្ណា ភេទប្រុស អាយុ២៩ឆ្នាំ ជនជាតិខ្មែរ មុខរបររត់តាក់ស៊ី ប្រចាំច្រកទ្វារអន្ដរជាតិក្អមសំណរ ។ប្រភពដដែលបន្ដថា ជនរងគ្រោះស្លាប់បាត់ បង់ជីវិតឈ្មោះ អ៊ិច ចន្នី ភេទស្រី អាយុ១៩ឆ្នាំ ជនជាតិខ្មែរ រីឯ៣នាក់ទៀតរងរបួសនោះទី១ឈ្មោះ សន ស្រីនាង ភេទស្រី អាយុ២៩ឆ្នាំ ជនជាតិខ្មែរ រងរបួសធ្ងន់ ទី២ឈ្មោះ រ៉ា សំណាង ភេទស្រី អាយុ២១ឆ្នាំ ជនជាតិខ្មែរ ទី៣ឈ្មោះ ជា សម្ភស្ស ភេទស្រី អាយុ១៨ឆ្នាំ ជនជាតិខ្មែរ ។ ជនរងគ្រោះទាំង៤នាក់នេះ សុទ្ធសឹងជាបុគ្គលិក បម្រើការងារនៅហាងខារ៉ាអូខេយីហោម៉ីម៉ី បច្ចុប្បន្ន ស្នាក់នៅទីតាំងហាងនេះតែម្ដង ។ប្រភពសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុ វេលាយប់ថ្ងៃទី១៦ ខែមិថុនា ឆ្នាំ២០១៩ ជនសង្ស័យមានគ្នា៥នាក់ខាងលើនេះ បានចូលទៅផឹកស៊ីនិងច្រៀងលេងកំសាន្ដនៅក្នុងហាងខារ៉ាអូខេយីហោម៉ីម៉ី ដោយចូលទៅក្នុងបន្ទប់លេខ៧៧៧៧ បន្ទាប់ពីផឹកស្រាស្រវឹងស្រឿងៗ ជនសង្ស័យទាំង៥នាក់ បានស្រុះស្រួលគ្នា យកថ្នាំប៉ុនម្រាមដៃចំនួន២ដប (សង្ស័យថ្នាំសម្រើប) ចាក់លាយជាមួយភេចសជ្ជះប៉ូវកំលាំងគោជល់ រួច បង្ខំឲ្យនារីរងគ្រោះទាំង៤នាក់ផឹក ។បន្ទាប់ពីផឹកបានប្រមាណ៥ទៅ១០នាទី ស្រាប់តែក្រុមនារីរងគ្រោះ មានអក្ការៈខុសប្លែកពីធម្មតា ទើបបង្កឲ្យឆោឡោឡើង ដឹងដល់ម្ចាស់ហាងប្ដឹងសមត្ថកិច្ចឲ្យជួយអន្ដរាគមន៍ តែជាអកុសលនារីរងគ្រោះម្នាក់ ក្នុងចំណោមគ្នា៤នាក់ បានស្លាប់បាត់បង់ជីវិតនៅកន្លែងកើតហេតុ ខណៈដែលនារីរងគ្រោះ៣នាក់ទៀត រងរបួសធ្ងន់ស្រាល ។រហូតដល់រសៀលនេះ ថ្ងៃទី១៧ ខែមិថុនា ឆ្នាំ២០១៩នេះ សមត្ថកិច្ចកំពុងបន្ដស្រាវជ្រាវ និងសាកសួរជនសង្ស័យបន្ថែមទៀត ដើម្បីកសាងសំណុំរឿងចាត់ការតាមនីតិវិធីច្បាប់ ។ ដោយឡែក នារីរងគ្រោះ៣នាក់ទៀត កំពុងសម្រាកព្យាបាលនៅមន្ទីរពេទ្យនៅឡើយ រីឯសាកសពនារីរងគ្រោះម្នាក់ ត្រូវបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ