(ដោយភ្នាក់ងារTNCបន្ទាយមានជ័យ ) ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានស្នើនាយករដ្ឋមន្រ្តីថៃ បើកច្រកអន្តរជាតិ ៤កន្លែងផ្សេងទៀត ដើម្បីសម្រួលដល់ការធ្វើពាណិជ្ជកម្មឆ្លងកាត់ព្រំដែននៃប្រទេសទាំងពីរ ។ ការស្នើនេះ ត្រូវបានប្រកាសដោយសម្តេចតេជោ ហ៊ុន សែន ក្នុងពិធីបើកការដ្ឋានសាងសង់អគារច្រកទ្វារព្រំដែនអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ដែលស្ថិតនៅក្នុងខេត្តបន្ទាយ មានជ័យ ជាប់ព្រំដែនជាមួយប្រទេសថៃ ។ បើតាមសម្តេចតេជោ នាយករដ្ឋមន្រ្តី ហ៊ុន សែន ច្រកអន្តរជាតិ៤កន្លែង ដែលស្នើឱ្យបើកបន្ថែមទៀតនោះ រួមមាន ច្រកអានសេះ ច្រកជប់គគី ច្រកភ្នំដី និងច្រកថ្មដា ។ សម្តេចតេជោ ហ៊ុន សែន បានបញ្ជាក់ថា ការសម្រេចឱ្យមានការសាងសង់ស្ពានថ្មីនៅស្ទឹងបត់ដែលជាច្រកព្រំដែនអន្តរជាតិថ្មីនេះ គឺសម្រាប់ការដឹកទំនិញ ហើយច្រកប៉ោយប៉ែត គឺទុកសម្រាប់តែការចេញចូលរបស់ភ្ញៀវទេសចរ និងប្រជាពលរដ្ឋនៃប្រទេសទាំងពីរ ។ជាមួយនេះ សម្តេចតេជោ ហ៊ុន សែន បានថ្លែងថា នៅច្រកប៉ោយប៉ែត ក៏នឹងមានការសាងសង់ស្ពានដែកមួយទៀត ទុកសម្រាប់តែអ្នកអូសរទេះដឹកទំនិញប៉ុណ្ណោះ ។ បើតាមសម្តេច នាយករដ្ឋមន្រ្តី បានឱ្យដឹងថា ទំហំពាណិជ្ជកម្មរវាងកម្ពុជា-ថៃ គឺធំណាស់ ដែលមានរហូតដល់៦ពាន់លានដុល្លារសហរដ្ឋអាមេរិក ។សម្តេចតេជោ ហ៊ុន សែន បានចាត់ទុកថ្ងៃនេះ ជាព្រឹត្តិការណ៍ប្រវត្តិសាស្ត្រដែលកម្ពុជា និងថៃ បានតភ្ជាប់ស្ពានឆ្លងកាត់ព្រំដែនស្ទឹងបត់-បានណងអៀន ដែលជាការតភ្ជាប់ដ៏សំខាន់មួយរវាងកម្ពុជា និងថៃ ។ សម្តេចតេជោ ក៏បានអរគុណថៃ ដែលបានជួយកសាងស្ពាន និងផ្តល់ហិរញ្ញប្បទានសម្រាប់សាងសង់អគារ និងផ្លូវតភ្ជាប់ផងដែរ ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ