រដ្ឋបាលខេត្តបាត់ដំបង រៀបចំពិធីអបអរសាទរខួបលើកទី១០៨ «ទិវាអន្តរជាតិនារី» ០៨ មីនា ឆ្នាំ២០១៩ ក្រោមប្រធានបទ​ "លើកកម្ពស់សមភាពយេនឌ័រ និងការគាំពារសង្គមដើម្បីអភិវឌ្ឍន៍ធនធានមនុស្ស" 
នាព្រឹកថ្ងៃព្រហស្បតិ៍ ០២កើត ខែផល្គុន ឆ្នាំច សំរឹទ្ធិស័ក ព.ស៥៦២ ត្រូវនឹងថ្ងៃទី០៧ ខែមីនា ឆ្នាំ២០១៩ រដ្ឋបាលខេត្តបាត់ដំបង បានរៀបចំពិធីអបអរសាទរខួបលើកទី១០៨ «ទិវាអន្តរជាតិនារី» ក្រោមប្រធានបទ​ "លើកកម្ពស់សមភាពយេនឌ័រ និងការគាំពារសង្គមដើម្បីអភិវឌ្ឍន៍ធនធានមនុស្ស" ក្រោមអធិបតីភាព ឯកឧត្តម ច័ន្ទ សុផល អ្នកតំណាងរាស្ត្រមណ្ឌលបាត់ដំបង ឯកឧត្តម អ៊ុយ រី ប្រធានក្រុមប្រឹក្សាខេត្ត និងលោកជំទាវ ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងលោកជំទាវ ឯកឧត្តម ឧត្តមសេនីយ៍ទោ ឯក សំអូន មេបញ្ជាការស្តីទីយោធភូមិភាគទី៥ និង ឯកឧត្តម លោកជំទាវ អភិបាលរងខេត្ត នៅសាលមហោស្រពស្ទឹងសង្កែ ក្រុងបាត់ដំបង ។
ស្ថិតក្នុងពិធីដ៏អធិកអធមនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត មន្ត្រីរាជការ កងកម្លាំងប្រដាប់អាវុធ សិស្ស និស្សិត យុវជន សរុបប្រមាណជាង ១០០០នាក់៕ដោយTNC