ខេត្តស្វាយរៀង ៖ ឆ្លងចរន្តអគ្គីសនីពីម៉ូទ័រឈួសឈើឆក់ស្លាប់បុរសម្នាក់ជាជាងឈើម្នាក់ភ្លាមៗខណៈមកជួសជុលធ្វើសាលាឆាន់នៅវត្តរាមជោ ដោយសារម៉ូទ័រខូចក៏ដោះធ្វើ ហើយប៉ះចំកន្លែងខ្សែរហែកបណ្តាលឲ្យឆក់ស្លាប់តែម្តងទៅ។ ករណីកើតឡើងកាលពីវេលាម៉ោង១៥ និង៣០នាទី រសៀលនថ្ងៃទី១៤ខែកុម្ភៈ ឆ្នាំ២០១៩ នៅត្រង់ចំណុច វត្តរាមជោ ស្ថិតក្នុងភូមិរាមជោ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។

បើយោងតាមសមត្ថកិច្ចបានឲ្យដឹងថា ជនរងគ្រោះដែលត្រូវភ្លើងអគ្គិសនីឆក់ស្លាប់នោះមានឈ្មោះ ស ប៊ុននី ភេទប្រុស អាយុ៣៥ឆ្នាំ មានទីលំនៅភូមិទួលច្រេស ឃំពពែត ស្រុកស្វាយទាប ខេត្តស្វាយរៀង ជាជាងឈើបានមកធ្វើសាលាឆាន់នៅវត្តរាមជោ ភូមិរាមជោ ឃុំស្វាយតាយាន ស្រុកកំពង់រោទិ៍។

ប្រភពបានបន្តទៀតថា ខណៈដែលកំពុងធ្វើការស្រាប់តែម៉ូទ័រខូច ហើយក៏ដោះជួសជុលតែអកុសលប៉ះចំកន្លែងខ្សែភ្លើងដាច់បណ្តាលឲ្យឆក់ស្លាប់ភ្លាមៗតែម្តងទៅ។ ហើយបច្ចុប្បន្ននេះសាកសពត្រូវបានក្រុមគ្រូសារជនរងគ្រោះយកទៅផ្ទះធ្វើបុណ្យតាមប្រពៃណីរួចហើយ៕