(ខេត្តកំពង់ឆ្នាំង ) រថយន្តក្រុមហ៊ុនដឹកប្រេងមួយគ្រឿងបានបង្កគ្រោះថ្នាក់ចរាចរណ៍ដោយបើកបុកនឹងកៀរបណ្ដាលឱ្យរថយន្ដម៉ាកឡិចស៊ីស RX-300 មួយគ្រឿងធ្លាក់ចេញពីថ្នល់ជាតិចូលទៅក្នុងស្រែ ។ ហេតុការណ៍នេះបានកើតឡើងនៅវេលាម៉ោង2និង30នាទីរសៀល ថ្ងៃទី14 ខែតុលា ឆ្នាំ2019 នៅលើកំណាត់ផ្លូវជាតិលេខ 5 ស្ថិត ស្ថិតក្នុងភូមិបន្ទាយមាស ឃុំសែប ស្រុកកំពង់ត្រឡាច ។លោក នន ស៊ីណាត អធិការនគរបាលស្រុកកំពង់ត្រឡាចបានបញ្ជាក់ឱ្យដឹងថា មុនពេលកើតហេតុមានរថយន្តធុនធ្ងន់មួយគ្រឿងសណ្តោងស៊ីទែនប្រេងមានផ្លាកលេខ ភ្នំពេញ 3B- 6651 និងកន្ទុយសណ្ដោងស៊ីទែនប្រេងពាក់ផ្លាកលេខ ភ្នំពេញ 4A- 3901 បើកបរក្នុងដំណើរពីត្បូងទៅជើង ។លុះមកដល់ចំណុចកើតហេតុក៏បានរ៉េចង្កូតទៅកៀររថយន្តម៉ាក Lexus RX-300 ពណ៌ទឹកប្រាក់ ពាក់ផ្លាកលេខ ភ្នំពេញ 2AN-8851 ដែលធ្វើដំណើរលក្ខណៈគ្រួសារបណ្ដាលឱ្យរថយន្ដឡិចស៊ីសធ្លាក់ចូលទៅក្នុងប្រឡាយសំណាងល្អមិនក្រឡាប់ និងមិនបណ្ដាលឱ្យនរណារងរបួសនោះទេ ។ក្រោយពេលកើតហេតុសមត្ថកិច្ចបានទៅពិនិត្យ និងធ្វើការវាស់វែងនៅកន្លែងកើតហេតុ និងដោយមានការសង្ស័យក៏បានត្រួតពិនិត្យទឹកនោមលើអ្នកបើកបររថយន្តបង្កឈ្មោះ អ៊ូក មេសា អាយុ27ឆ្នាំ មានទីលំនៅភូមិអូសំបួរ ឃុំក្រាំងអំពិល ស្រុកសំរោងទង ខេត្តកំពង់ស្ពឺ ឃើញមានសារធាតុញៀនក្នុងទឹកនោមក៏បានធ្វើការឃាត់ខ្លួន និងកសាងសំណុំរឿងបញ្ជូនមកស្នងការដ្ឋាននគរបាលខេត្តដើម្បីចាត់ការតាមនីតិវិធី ។ ដោយឡែករថយន្តទាំង២គ្រឿងត្រូវបានសមត្ថកិច្ចយកទៅរក្សាទុកដើម្បីរង់ចាំការដោះស្រាយតាមផ្លូវច្បាប់ ៕
ចំនួនអ្នកទស្សនា
ព័ត៌មានគួរចាប់អារម្មណ៍
(បាត់ដំបង)៖ ក្រសួងសុខាភិបាល និងអង្គការសុខភាពពិភពលោក ក្នុងពេលបំពេញបេសកកម្ម នៅខេត្តបាត់ដំបង បានសម្តែងនូវការកោតសរសើរ ចំពោះការលះបង់ដ៏ធំធេងរបស់ក្រុមគ្រូពេទ្យ ..... (សហការីtnc)
ភ្នំពេញ ៖ តុលាការកាត់ទោសឧកញ៉ា សុខ ប៊ុន និងមន្ត្រីអាជ្ញាធរកោះរ៉ុង៥នាក់ ក្លែងឯកសាររំលោភយកដីរដ្....ឋ (សហការីTNC)
(ភ្នំពេញ)៖ បើកបរដោយការប្រុងប្រយត្ន័រក្សាជីវិតអ្នកនិងអ្នកដ៏ទៃ! ស្លាប់៧នាក់ និងរបួស៩នាក់ ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី២២ ខែមិថុនាម្សិលមិញ..... (សហការីTNC)
(ភ្នំពេញ)៖ រដ្ឋាភិបាលជប៉ុន ផ្តល់ជំនួយសង្គ្រោះបន្ទាន់ដល់កម្ពុជា ជាង៦លានដុល្លារ.,. (សហការីTNC)
ពេលនេះផ្លូវជាតិលេខ ១០ ថ្មី ពីសំឡូតមកកោះកុង ចាប់ផ្តើមចេញរូបរាងបណ្តើរៗ (សហការីTNC)
វីដែអូ